壹週Plus Sudden+ 飲食男女 me! FACE Ketchup 交易通.搵車快線 Tomonews nxTomo
2013年06月20日

【否認涉姦案】
Rocky封嘴:我從無犯事案底紀錄

18,324
建立時間: 0620 15:15

Rocky今日於律師陪同下開記招宣讀聲明。(蘋果日報)

《求愛大作戰》參賽者Rocky(黃憲麟),早前被爆曾捲入09年一宗強姦案,其後更有雜誌大字標題報道此事。Rocky早前已表明係「協助調查」,但未有正式回應是否就係案中主動自首嘅黃姓輔警。

今日Rocky特地舉行記招,宣讀聲明,《求愛》另一參賽者阿佳及「愛情導師」陳定邦亦有陪同。事前律師已講明不設答問環節。Rocky在聲明,強調「我從來沒有犯事案底紀錄」,並指出自己「十分後悔曾以輕佻的態度用不當的言詞來跟朋友開玩笑,以至被斷章取義,引發與事實不符的報道。」未知是否就係回應番日前喺facebook上留言嗰句「我係犯姦強lol」。

Rocky揚言「對於有報道以『強姦犯』這三個字形容我時,我絕對不能接受及容忍。」但當佢讀完聲明後,記者再問是否真係涉及此案時,其代表律師即制止:「我哋冇問答環節,之後亦唔會澄清。今日Rocky只係講自己立場,因為失實報道,對家人造成影響,所以今日決定開記招。」

記者續問無綫是否知悉此事,代表律師就話:「呢個要問TVB。」咁無綫可有提供協助?律師謂:「唔方便回答。」

記者連番追問,Rocky均未有回應,悉數由律師擋駕。再問到該案何時發生,沉默良久嘅Rocky終於開腔:「我發呢個聲明,係因為我朋友同家人受影響,我先至開。我已經透過聲明講咗,往後唔會再回應。」

問Rocky可有後悔參加《求愛大作戰》而招風雨,律師又擋駕:「呢個問題唔回答。」記者指此問題涉及Rocky個人感受,應由其本人回應,此時Rocky仍不作聲。再問道Rocky稍後是否仍會出席《求愛》宣傳活動?佢話會,律師再發言謂:「有關呢件事,唔會再回答。」

【add即時.尚】高圓圓新婚甜蜜 DG裙鎖住趙又廷的心
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved