壹週刊 忽然一周 飲食男女 me! FACE Ketchup 交易通.搵車快線 NEXT+ONE Tomonews nxTomo
2013年11月27日

【王力宏認拍拖】與女友李靚蕾
4月時蜜遊英國

最後更新: 1127 20:11 / 建立時間: 1127 15:31
有網民發現王力宏4月時同李靚蕾蜜遊英國。(互聯網圖片)(互聯網)

噚日微博鋪天蓋地都係李亞鵬同嫩口奀星馮靜恩激吻拖手照,今日當然仍有相關跟進。

但今日微博,已火速被另一型男洗版,佢就係音樂才子王力宏,事關力宏今日凌晨近四點,喺微博公開戀情,貼咗張同27歲嘅長髮女友李靚蕾親密照,女方靠在力宏肩上,幸福甜蜜,力宏表示:「.....幸運地遇到一個可以牽手,共度未來的女孩子......王爸爸媽媽都很喜歡她,希望你們也是。」

力宏大方宣佈搵到「Forever Love」,而截至今晚八點,已經有逾70萬網民轉發,以及逾30萬評論,好多人都讚兩人匹配,係郎才女貌,佢哋又認為李靚蕾雖然冇驚艷美貌,但最起碼比圈內人好多了。

而力宏公開戀情後,微博上有多個疑似李靚蕾微博出現喇,真係唔知邊個微博先至係李靚蕾本人呀﹗

另外,27歲嘅李靚蕾曝光後,即遭網民大起底,有網民爆料指4月時力宏赴英國牛津大學嘅牛津辯論社演講時,原來李靚蕾當時已經陪伴在側,當時佢着住白襯衫配灰色針織衫及黑長褲,打扮成熟大方,只係網民誤認佢係力宏隨行工作人員而已。


【add即時.尚】吳奇隆劉詩詩 高調同拎Longchamp情侶手袋
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved