壹週Plus Sudden+ 飲食男女 me! FACE Ketchup 交易通.搵車快線 Tomonews nxTomo
2014年01月25日

【女神都冇情講】官恩娜呼籲要包容強國人 網民洗版怒插

62,121
最後更新: 0125 22:44 / 建立時間: 0125 14:53

提醒Ella一句,依家強國人之於香港唔係「文化差異」咁簡單,直頭係「傷口」程度。

今時今日,喺香港聽到「包容」呢兩隻字,相信好多香港人都會覺得「難聽過粗口」。每次講呢兩隻字,永遠都係叫香港人包容強國人,好似強國人落嚟香港做乜,都係文化差異,永遠都係要香港七百萬人,去包容強國13億人口。

不過香港真係有好多「大愛無疆」人士,可能佢哋又唔使搶奶粉,爭學位,出入半山區,唔使去旺角迫買平嘢,就可以「大愛」,好似高登女神官恩娜咁,喺報紙寫咗一篇文,講咗好多嘢,最後,就係叫人包容強國人嘅「文化差異」,搞到高登仔都忍唔住插爆佢,Ella舉嘅例子是咁的:

1. 去到英國食飽飯或飲完汽水「打嗝」,香港人覺普通,英國人視之無禮,情形似喺人面前放屁,搞到成日俾人笑;

2. 有位中國女生,用添茶手勢回應侍應添紅酒;

3. 香港人會直接問外國人是否混血兒或喺咩國家嚟,但歐美人士很在意被問及宗教,政治及種族

所以佢最後嘅總結係:「應抱包容的心,特別是近年中、港兩地的文化差異,引起很多 不同社會問題,好多人喜歡拍下中國同胞們的種種有趣行為,放上網跟人家分享...」

「大家都是中國人,應給空間去接受他們,大家的生活環境不同,不應一開始就針對或看不過眼,應該去包容或幫忙他們去了解我們的文化...」

在法屬大溪地出生的Ella,手揸的好可能係法國護照,好多網民上去佢fb洗版:

「你入返中國藉,拎返本特區護照先講啦,咪拎住本外國護照叫人包容」

「衣家唔係融入我地,而係掠奪我地資源及想消滅我地文化 !」

「實在太天真太無知喇.. 太不負責任」

「你去奶粉荒/尿片荒/幼稚園荒/學位荒/工作荒/公屋荒的香港人面前大談包容論,可以平安歸來的話我向你陪罪!」

「官恩娜,妳作為一個扎根香港嘅歌手,妳嘅演藝事業係得助於香港本土市民支持,今時今日,呢班支持妳演藝事業嘅香港本土市民,生活飽受大陸蟲侵擾,樓買唔起床位唔夠爭攪到拖都唔敢拍、一諗到生完個小朋友要煩學位又唔敢生、比港B食嘅奶粉要搶、煮飯炒菜要落嘅鹽又要搶...e+ 連想食個出前一丁都要諗過度過先,妳要一班支持妳嘅人包容一班大國沙文主義殖民掠奪者,妳將來結婚生仔,有無諗過妳第時都要面對其中部份惡劣處境?妳到時仲係咪可以全盤接受呢班侵略者?如果妳咁都接受倒,我諗妳都係唔結婚生仔、以後一個人生活落去為宜,否則,妳係無從對得著一班支持妳嘅香港市民。」

喺香港比強國人搞到行個街都好似兵荒馬亂之時,一班「離地中產」大叫包容,真係好有「何不食肉糜?」之感,今次真係女神都冇情講啦。

【韓流】超人爸爸宋一國 一人拖三囝環泥灘
即like《蘋果日報》FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘
版權所有 不得轉載 ©2014 AD Internet Limited. All Rights Reserved