› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2014年03月03日

【奧斯卡】用「埃瘋」定「三叔」?荷李活最紅11人 世紀自拍

121,110
最後更新: 0303 21:29 / 建立時間 (HKT): 0303 11:27

今年嘅奧斯卡嘅主持人就係艾倫狄格勒絲(Ellen DeGeneres),佢嘅做法相當鬼馬,喺賣廣告之前,收埋咗自己喺李安納度狄卡比奧同姍迪娜布洛嘅後面,突然出現,仲嚇親佢哋兩個。

之後艾倫狄格勒絲又大玩自拍,點知佢嘅自拍引一大排紅星一齊影,有茱莉亞羅拔絲、珍妮花羅倫絲、安琪蓮娜祖莉、畢彼特、梅麗史翠普、謝勒力圖、奇雲史帕西、美國男星卓寧泰坦(Channing Tatum)、出爐女配角雷碧達尼安高(Lupita Nyong'o)同佢嘅兄弟,呢一張自拍,真係一張世紀自拍,幾年後拎返出嚟,可能會好值錢。艾倫狄格勒絲仲即刻貼咗張相去twitter。

而珍妮花羅倫絲喺影完張相嘅時候,條裙仲好似跌咗落嚟咁,一影完佢就要拉一拉,如在快手,如果唔係又會出醜喇。但最搞笑係, Ellen DeGeneres明明係用獲贊助嘅「三叔」note3嚟影呢張世紀大合照,但去番佢本人個twitter,卻顯示出佢原係都係用番自己部「埃瘋」。究竟「三叔」好定係「埃瘋」好呢?而有網民就用一句說話,形容艾倫狄格勒絲,就係。「身在曹營心在漢!」

不過相嘅質素都係次要,呢11粒星已經夠殺,張相upload之後,即刻被瘋傳,轉載次數直頭多過當年奧巴馬成功連任時與其夫人的合照!呢個植入廣告方式,「三叔」一定勁過「埃瘋」啦!

而據台灣消息透露,《Ad Age》網站引用市調公司Kantar Media報告指出,「三叔」從2009年至2013年連續5年贊助奧斯卡,共花咗2400萬美金。

對於今次奧斯卡自拍照事件,台灣三星表示,的確有做電視及官網廣告,而且提供產品贊助,但就唔願透露實際金額,而自拍照一事,亦的確係一種植入方式,但事前只要求讓該產品曝光,至於曝光方式,就係由奧斯卡相關單位自行決定。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載