› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2015年05月30日

【韓流】韓星元斌今日迎娶李娜英

191,801
最後更新: 0530 23:37 / 建立時間 (HKT): 0530 16:08

現時37歲嘅韓片《殺手代父》男星元斌,同36歲女友李娜英拍拖三年多,感情一直穩定,早前傳過李娜英懷孕,會同元斌舉行婚禮,不過當時二人就否認。但今日韓國時間下晝兩點,就有韓媒影到二人於韓國江原道秘密結婚,現場有約50多名至親著哂禮服到場。

而婚訊傳出後,兩邊嘅經理人公司都直認兩人結婚,表示:「兩人於今日舉行婚禮,喺元斌嘅家鄉接收親友嘅祝福。於五月呢個陽光明媚嘅日子裏,二人訂下默默守護對方一輩子、照顧雙方父母嘅約定。」

公司又解釋二人秘密結婚嘅原因:「因為係人生中結下誓約嘅重要日子,所以當事人希望能夠安靜地度過。」

對於有指二人奉子成婚嘅說法,公司就否認,並表示:「二人嘅夢想係同可愛嘅孩子組織家庭,不過最快要婚後兩年先會傳來好消息。」事務所又表示二人目前未決定蜜月旅行嘅時間,婚後二人就會於首爾嘅方背洞展開新生活。

事務所又透露,二人早前因為要準備婚禮而減少工作,不過舉行婚禮後,二人將以演員身份回歸,並承諾會以好作品會粉絲。

大家就一定熟元斌,而其實對李娜英應該都唔陌生,佢因同韓流天王Rain合演重頭劇《逃亡者 Plan B》,又同黎明亦特別有緣,先後3次同黎明合作,二人最早於1999年而因合作《非我莫屬》MV而結緣,之後又合作韓國電影《天士夢》,而黎明2004年拍攝同王菲合作嘅電影《大城小事》時,李娜英亦有友情客串。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載