› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2015年11月11日

【《十月初五》慈善首映】開拍前撞正馬浚偉生日
蕭定一叫佢影「遺照」?

28,893
建立時間 (HKT): 1111 11:10
(攝影:陳慧安)(蘋果日報)

噚晚電影《十月初五的月光》搞慈善首映,張智霖、佘詩曼、薛家燕、商天娥及唐文龍等亦現身銅鑼灣時代廣場,由勞工及福利局局長張建宗做主禮嘉賓,而喺電視中演「司徒禮信」嘅馬浚偉,就以特別嘉賓到場。

會場有一大班張智霖、佘詩曼及薛家燕嘅fans圍觀,張智霖喺台上表示:「好感動,好緊張,好似返番去15年前咁。」佘詩曼就話有少少緊張,剛才謝票時,見到啲觀眾反應喊晒唔開心,反而自己好開心,因為角色感動到佢哋。

張智霖喺台上拎住電話錄低同現場嘅人一齊大叫「十月初五的月光」,當馬浚偉上台時,見馬浚偉塊面好白,佢話:「當大家見到我一黑一白,以為我咩事,其實當開拍電影版,籌備嘅時候,蕭定一打畀我,話想搵我幫忙,當日係我生日,佢就話想我影張『遺照』,佢冇直接咁講呢兩個字,個故事一開始,我已經死咗,如果我唔死,文初點同君好呢!」

馬浚偉又喺台上笑言:「撞正我生日就同我講啲咁嘅嘢,今日就可以報仇,因為過咗12點,就係蕭定一生日,決定要佢影『遺照』,唔係,係影一張合照。」

馬浚偉其後接受訪問,問佢今次喺片中影「遺照」,有冇收利是,佢講:「冇呀!因為唔係拍我死,只不過係阿一打嚟同我講,撞正上年我生日出發去台灣慶祝,阿一wechat叫我幫手,當時我喺機場,阿一話之前冇搵你,係因為你喺片中一開始已經死咗,乜我生日流流講啲咁嘅嘢,阿一話想你喺片中死前影一輯結婚相,之後返嚟冇咗件事,後嚟葉念琛搵我,自己聽到個劇情好感動。」

馬浚偉又話司徒禮信死咗,君好幻想又好、係靈魂出竅又好,畀君好一個鼓勵,解決咗君好嘅心魔,馬仔話出場都過一分鐘,唔係「秒殺」,係「分殺」,唔係計錢,因為同蕭定一識咗好耐。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載