› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年03月21日

【製作《向世界出發》】聞愛將離世
志雲稱監製Joani有創新精神

37,154
建立時間 (HKT): 0321 11:48

著名電視節目監製鄧婉媚(Joani)患癌離世,Joani曾在無綫擔任《向世界出發》、《活著》監製,製作不少出色的節目,Joani亦曾是志雲愛將。

今日《蘋果》致電陳志雲,他得知消息時感到難過:「我剛剛收到鄧婉媚女士終年離世嘅消息,我感到非常之突然及惋惜,我第一個同佢好緊緊密合作嘅節目,就係《向世界出發》,她對於質素的要求及堅持係畀我留下深刻印象。」

志雲憶起拍完《向世界出發》製作及播出後,一共拍了三輯,無論在口碑及收視也很好,志雲續道:「喺公司層面,以及喺個人角度嚟睇,都好希望大家再做第四輯,但當時Joani好堅持,佢認為應該要見好即收,應該要停,因為個節目已經完咗它的生命,好難再注入新鮮的角度,對於佢呢個意見,佢嘅堅持及決定,我係好尊重。」

志雲更指,現今及當年很多製作人、監製等,都可能「好就去到盡」,但Joani卻不會,他說:「不過每次有一個新節目構思時,佢都會去到盡,同埋有一個新包裝、新元素喺入面,呢個不斷求變同創新嘅精神,我亦都係深深受感動。」

Joani同志雲另一個合作經歷,曾一齊拍下邵逸夫爵士生活的狀況,他表示:「有時我哋離開香港出埠,佢(Joani)都會跟住嚟,邵生生日等,佢都會拍下,佢拍攝手法係好真實,好打動到人。」

Joani離開TVB亦一直有跟志雲聯絡,譬如她加入ATV時,有跟志雲接觸,她入HKTV時,也曾邀請志雲一齊合作,當時志雲的情況不容許他們再合作,他慰問Joani家人並稱:「Joani安息,他日再天國重遇,永遠懷念你。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載