› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年07月24日

【友達以上?】新書分享會
陳善之稱陳玉蓮係一世最好嘅情人

25,567
建立時間 (HKT): 0724 19:55

陳善之今日就為咗新書舉行分享會,其後佢同陳玉蓮一齊做訪問,陳善之表示今次書大講佢由無綫訓練班去到轉型做幕後呢40年嘅日子,同埋都會講點同阿蓮(陳玉蓮)做咗一世最好嘅情人同朋友。

問到陳善之寫書嗰陣會唔會記記下記返啲仇出嚟?佢就話:「我做人好阿Q,唔會記得唔開心嘅嘢,係芳芳姐教得唔開心嘅嘢要排毒,發生咗就發生咗,唔舒服嘅嘢好似垃圾咁扔咗佢,所以我每晚都瞓得好舒服。」

問到李嘉欣話會同佢嗌幼稚嘅交,陳善之就話:「係呀!不過最緊要都係為咗件事,不過作為經理人最終都係要以藝人鐘意、舒服為先嚟做決定,無論係嘉欣定黎明都係咁樣,今日發咗嘅事聽日就會唔記得,以前同黎生合作嘅時候大家有咩提議,決定咗之後就算結局好定唔好大家都唔會翻舊賬。」至於書入面有冇講到佢同黎明傳不和,佢話:「書入面有講到黎生嘅細心同我嘅大意,你都講啦!係傳,我同黎生都唔係鍾意解釋嘅人嚟!無謂去哂氣解釋。」

又問到點解視陳玉蓮一世最好嘅情人呢?陳善之話:「我係獨身主義者嚟!如果要結婚呢,我一定去追佢,因為我覺得佢好靚同好可愛嘅人嚟!」之後陳玉蓮補充:「有一次我哋去日本過關,畀人誤會係同鄭家誠一齊出埠,我哋知道咗就係咁笑。」陳玉蓮又話十幾歲入訓練班就識咗陳善之,當時性格好似,又係硬骨頭,得罪人多稱呼人少,嗰陣大家好熟話叫日本玩就即刻行,不過o依家就各有各忙,但係o依家佢每次返香港都會同陳善之食飯。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載