› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2016年12月22日

【唔打扮都咁型】金城武怨偉仔貪玩 日日整蠱笑甩鬚

15,293
建立時間 (HKT): 1222 20:00

金城武今日喺灣仔君悅酒店出席王家衛監製嘅電影《擺渡人》答問大會,已經好耐冇喺香港出現嘅佢,今日冇刻意打扮,但依然咁有型!

94年的《重慶森林》,王家衛、梁朝偉、金城武鐵三角組合(還有青霞、王菲),轉眼就22年,《擺渡人》是金城武繼《重慶森林》後,再度同王家衛合作。戲中金城武飾演電玩王,故事講述他與梁朝偉係合夥人,開咗一間酒吧,專門替酒吧客人解決問題,兩人成為城市的金牌擺渡人,只要你預約擺渡,刀山火海都會使命必達。

金城武笑言以前都有打遊戲機,亦都會約朋友上網打機,不過隨着心態轉變及工作繁忙少咗,轉變嘅原來唔只打機,金城武又笑言,愛情觀亦隨年紀長大,一直在變。

金城武笑言一向都唔理造型,只係想演活角色,不過喺今趟拍攝前,導演遲遲仍未為角色決定性格,令佢有啲擔心:「因為要為角色定方向,怕不夠時間。幸好在拍前一個月終於定好,我也將角色設定比較卡通及漫畫化,但不會太誇張。」

「希望有不一樣的火花,事實都做到了。跟梁朝偉之前合作過《傷城》、《赤壁》,他一直很有喜感。」又踢爆拍《赤》片時俾偉仔整蠱:「我演孔明要黏鬍鬚,每次他都會走過來跟我說笑話,每次都引我大笑甩鬚,要從新整理,加上天氣熱,所以好心煩。」金城武透露偉仔每日都好努力練普通話,不過導演每日都改對白,偉仔每次都要重新練習,但依然毫無怨言,專心又專業。

之前有好多人以為金城武一年只拍一部戲,但佢解釋只係屬於美麗嘅誤會,因為過往拍咗幾套大片,所需時間較長先有誤會。至於「擺渡」兩字有開解之意,咁金城武有冇「擺渡」吓身邊啲朋友?佢竟然話唔清楚,因為身邊人搵佢訴苦嘅機會唔太多。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載