› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月01日

【9分鐘就走】黎明出倒數活動禁講粗口 影完相即走 嚇窒觀眾

45,797
建立時間 (HKT): 0101 01:16
攝影:仇志德(蘋果日報)

2016年12月31日除夕夜,黎明(Leon)化身「明福俠」罕有現身倒數活動。Leon喺11點52分到達會場,全場fans夾道歡迎。Leon睇落心情靚靚,同兩邊fans握手。

Leon身穿一件黑色外套,背脊印有明福俠動畫出現過嘅「禁止做粗口手勢」嘅Logo。一上到台Leon就同大家打招呼,現場氣氛相當熱鬧。

Leon講番今次喺香港同fans一齊過,而佢嘅身份係「明福俠」,係咪即係想將「明福俠」嘅福氣帶分享出去?佢話:「好開心,因為之前《甜蜜蜜》好耐之前同張曼玉喺到拍,場戲係排籌買樓。當時周圍都冇建築物,由零開始到0依家,好多人好多食肆,緣份帶自己返嚟東港城好開心。」

另外,講到Leon今日開賣自己演唱會嘅企鵝頸巾同衫,佢喺台上就更正番:「我搞錯咗,其實係帽、手套、同衫一件過。」Leon仲頒獎俾三個得獎者,到最所有嘉賓上台合照。

影大合照時,因為台上太多人,第一次未能成功影到合照,有人話:「向後啦」,黎明聽到就話:「向後冇用㗎,逼埋一齊啦!」即刻踎喺前排影合照。

倒數完Leon就祝願:「2017年希望所有朋友開開心心、健健康康,家在香港嘅朋友為自己嘅事業、理想衝刺,祝大家順利無比。」講完之後,Leon喺2017年1月1日,凌晨12點01分倒數完就即刻離開,台上其他嘉賓都未講祝願Leon就走,所以令全場都呆晒,估到咁快就閃人。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載