› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月11日

【否認財困】被指為富豪產子賺千萬 利智懸賞億元尋真相

158,340
建立時間 (HKT): 0111 00:02

想當年嘅利智,除咗身材成為茶餘飯後嘅話題之外,其實多年來,喺娛樂圈一直流傳住一個未經證實嘅傳聞——指利智曾收取千萬元酬勞為富豪產子。

一向低調嘅利智,於1997年9月3日,突然向港台傳媒發表一份佢自己署名嘅聲明,就有傳媒指佢投資失利、樓盤變廢墟嘅報道中提及該(收錢產子)傳言,利智否認之餘,更以「十倍的價格」,即一億港元懸賞,尋找任何一個可以證實這個傳言嘅人;同時,利智更附上一張由中南銀行發出嘅信貸額證明書影印本。

於1986年捧得亞姐冠軍嘅利智喺嗰份聲明中提到:「自92年起,我離開了演藝圈,我自知自己缺少演藝天份,更為了避免媒體追逐,去尋找一份淡泊平靜的生活。五年來,我盡量保持低調,盡力婉拒公開露面,即使面對各種利益的調惑也毫不動心。(中略)

「特別令人難以容忍的是,該專版以個人檔案的形式引用『以千萬元代價富豪產子』的謠言,這是對我個人莫大的誹謗和侮辱。至今謠言有各種不同的說法,其主角和價碼也各有不同。在這裏我要鄭重聲明:至今我未能有這樣一份榮幸,成為這個地球上的任何一個孩子的母親。我將以十倍的價格懸賞任何一個可以證實這個謠言的人。」

另一單關於利智嘅大新聞,就係佢曾經因為呷醋,而離家出走。根據李連杰好友、向華強太太陳嵐喺2006年5月於《蘋果日報》刊登嘅專欄《嵐言之隱》中,曾提及某年關之琳同李連杰合演中國星一套電影,就喺拍宣傳海報當日,之之喺其中一個甫士中,隨意將手肘放喺李連杰膊頭,張海報見街後,利智呷醋離家出走。愛利智深切嘅李連杰發晒「茅」,最後要向太出手幫佢勸番利智返嚟,而李連杰更加係變成「女人勿近」。(新聞連結: http://bit.ly/2iZMZrf )

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載