› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月11日

【搵女同事客串?】荃灣港鐵現「求包養」少女 奇妙電視玩出火?

160,135
最後更新: 0111 17:44 / 建立時間 (HKT): 0111 16:00

(新增回應)

亞視舊年熄機!群雄相繼而起,包括舊年4月開台嘅ViuTV同有線寬頻旗下嘅奇妙電視,實行搶食免費電視呢嚿肥肉。嚟近5月,有線旗下嘅奇妙電視正式開台。近日招兵買馬做足準備。除咗有杜汶澤教煮餸,仲有鵬哥盧海鵬到的士台試咪。(新聞連結:http://bit.ly/2ihPRiv )

今日奇妙電視節目《吾男吾女》搞開鏡禮,出席嘉賓有林芊妤、吳日言、利嘉兒等,節目好唔好睇,要等幾個月後先知。不過近日網上瘋傳一個長髮少女,企喺荃灣港鐵站口,高舉「求包養、月薪面議」紙牌,事件引嚟極大迴響。有人覺得少女公然賣身冇廉恥,亦有毒男對呢名少女評頭品足!

據知,出位之作正正就係奇妙電視《吾男吾女》呢個節目。

今日,喺網媒就有一篇題為「求包養真相」嘅文章,仲貼咗舉牌少女嘅相出嚟!文章中,雖然冇點節目名出嚟,但自稱撰稿員嘅人,就直指「求包養」少女,實情係自己嘅舊女同事,事件嘅經過,係有一日,隔籬部門嘅節目監製,要搵少女客串一個鏡頭,所以就搵咗呢位舊同事,不過過程中,就冇交低究竟做乜……結果竟然係要做--「求包養」少女。

而據知事件中嘅女主角英文名叫Kay,本身係有線電視員工,舊年10月因做得唔開心所以遞信唔撈,但最後同公司傾掂數延遲走,點知公司就喺呢段時間,搵咗佢舉牌……

事件除咗令少女感到唔開心,其他同事亦相當嬲怒,指公司罔顧同事感受,連請臨記同車馬費都慳番!

對於安排少女舉牌一事,《吾男吾女》監製BILLY就回覆蘋果表示:「拍乜嘢梗係知啦!你自己做呢行都好明!點會唔知?亦冇乜需要去呃去o氹,不過事件已經交畀外事部,你問返佢哋,唔好意思!」而奇妙電視確認該照片為日前拍攝的社會實驗節目,並不會就個別評論作出回應。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載