› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月11日

【add即時‧尚】Mark嫂梁家玉好煮得
出完食譜想開餅店

18,945
建立時間 (HKT): 0111 21:00

雷頌德(Mark)太座梁家玉(Jade)醉心煮西餐做甜品,年前都主持過大台飲食節目。曾做模特兒的Mark嫂真正到入得廚房,出得廳堂,上月更終於推出首本心血結晶、名為《Gorgeous》的烹飪書,「啲食譜都係原創,都儲咗大大話話七年。今次都出唔晒,希望可以出第二本啦。」

為仔仔學廚

Jade入廚多年,當初學煮飯單純是為了做個稱職人妻與媽媽,「因為老公同仔仔都好鍾意食西餐,但係成日出街食又唔係咁健康,咁喺屋企阿仔成日都話想食,咁佢哋想食我就去學煮喇。」芸芸這麼多道菜與甜點,阿Jade一學都是手到拿來,但唯獨有一味難到她。「其他菜式基本上我一試就成功,但馬卡龍頭兩次係唔得嘅,對我嚟講印象係深刻,因為真係難做,任何一個步驟做唔好就做唔成,要做到完美嘅樣已經難,仲要兼顧埋好唔好味
。兩次做唔到,我係一定要做到為止,到第三次換一個方法就做到,我啲仔最鍾意食。」

煮得有要求

不難想像Jade在煮食上有幾固執堅持,她亦直認自己好奄尖,「所有廚具、 所有食材,我都想用到最啱,唔係貴就係好,而係我用過試過,有啲係貴嘅好,有啲唔一定,總之係啱自己, 做到你想做嘅就係好,呢個係我標準。對自己有要求,先會進步,係件好事。」

幾年前阿Jade為了增值都有去上課學廚,「想professional啲所以學,嗰時又幫老公公司手,又要湊小朋友,夜晚去返學真係好辛苦,不過其實證明咗你好想做一件事,你就會令自己fit到去做,我咁樣都manage到,有心去做就會做到。」學海無涯,阿Jade已計劃今年再去國外進修,有沒有打算開餐廳?「開餐廳一個人未必會兼顧到,但我唔會抹殺任何可能,可能會試下做bakery。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載