› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月11日

【威吔臨場出意外】事前綵排無異樣 黃子佼女友撞飛傷頭停工入院

13,492
建立時間 (HKT): 0111 20:48
(資料圖片、互聯網圖片)

台灣藝人黃子佼女友、曾拍攝《我可能不會愛你》同《你照亮我星球》等台劇嘅女演員孟耿如,近日被台灣傳媒踢爆佢早前拍攝新劇《麻醉風暴2》時,喺一場爆破戲中,因工作人員喺操作威吔嘅程序中出錯,令孟耿如被炸飛,撞地並撼中頭部,最後要送院治理,更要停工休養。

據台媒報道,當日劇組喺尚未開通嘅桃園機場運站拍攝一場大眾運輸系統爆炸,醫生搶救大量傷者,飾演記者嘅孟耿如咁啱經過事發現場,攞手機影低情況,而佢被炸飛嗰一幕,就由工作人員操控威吔嚟做到效果。經過數次綵排都冇飛,點知到正式拍攝時,孟耿如並未落到預先鋪好嘅軟墊度,成個人飛咗出去,頭部着地。事後孟耿如送院救醫,劇組停拍兩日,經確認後,孟耿如冇任何腦震盪及其他後遺症,立即復工。

喺報道出街後,今日孟耿如喺自己個facebook回應事件,坦承受傷嗰一刻好驚,但覺得可以低調處理,所以先冇張揚,估唔到消息仍然出咗嚟,所以決定親自解釋,佢話:「當時要拍攝爆破被震波彈出去的橋段,在鋼絲(威吔)的技術上出現了一些問題,導致於後腦重摔在地,當時我就是腦筋一片空白,沒哭也沒任何情緒,就是傻眼……;不過劇組也即時把我送往附近的醫院急診!

「我已經做了斷層掃描,醫生建議我再做個核磁共振深入檢驗,媽媽也陪我一起到醫院檢查;結果還沒出來,但目前身體是沒有大礙的;至於為何沒有跟大家說,除了是怕大家擔心以外,我不希望所有辛苦拍攝《麻2》的夥伴們,因為這一次意外,而被模糊了焦點!因為大家真的很認真很努力,我希望大家能看到我們為這部戲的付出、看到這部戲的優點,總之,我身體一切安好,抱歉讓大家擔心了。」佢仲加咗3個壯臂嘅emoji。

據台媒指,佼佼得知女友受傷後,當然好心痛,然後乘機借題發揮,叫女友早日嫁畀自己,等女友唔使出去拍劇咁辛苦。不過,孟耿如好似仲未有回應……

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載