› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月11日

【《藍海》集集追】全智賢被成東日追殺 得知前世與李敏鎬殉情秘密

24,730
建立時間 (HKT): 0111 22:04

韓國女神全智賢跟「長腿Oppa」李敏鎬主演嘅SBS劇集《藍海傳說》今晚播出第16集,承接上集講到喺全智賢牽線下,李敏鎬終於同親生母親羅映姬相見,兩母子相擁痛哭,講返以前嘅點點滴滴,場面好感人。

全智賢嘅生日會如常舉行,李敏鎬帶埋母親一齊參加,羅映姬仲開心全智賢係佢女友,而唔係申惠善,當問到李敏鎬做乜嘢工作時,李敏鎬就避談自己嘅職業,仲話要接母親一齊住。

騙子三人組嘅李熙俊因為被全智賢刪除記憶,所以唔記得全智賢就係人魚,但佢就有一啲模糊印象記得,覺得好似有啲嘢硬係唔記得。李熙俊同李敏鎬問母親識唔識一個叫「姜智賢」嘅人,羅映姬就話「姜智賢」就係李敏鎬嘅後母,但李敏鎬話後母唔係叫咁嘅名,仲話「姜智賢」同殺人犯成東日有關連。

李敏鎬將「姜智賢」嘅身份告訴畀警方知,又要佢哋展開調查。李敏鎬冇血緣哥哥李知勳問母親到底成東日係邊個,最終李知勳得知自己係殺人犯嘅兒子大感激動,李知勳母親講起自己細個痛苦嘅回憶,令佢變得不擇手段為自己。

全智賢同李熙俊喺泳池旁傾偈,全智賢問佢有關李敏鎬後母嘅事,點知李熙俊喺泳池邊又再想起一些記憶。李敏鎬母親上咗全智賢嘅房間,李敏鎬準備咗禮物送畀佢哋,令全智賢好開心。

全智賢投訴生日都冇得好好同李敏鎬見面,兩人即秘密喺廳內約會,全智賢仲嘟起嘴仔向李敏鎬索吻,不過李敏鎬就只錫額頭,之後確認全智賢心臟好好跳動,先肯錫全智賢咀仔一啖,冧死全智賢。

李敏鎬去公司搵李知勳,問佢父親喺邊,李敏鎬話唔相信李知勳,仲喺警察方面得知父親未有出國,李敏鎬打畀李熙俊話要去搵父親,點知全智賢就喺側邊偷聽到李熙俊講電話。

李知勳去搵父親講出自己嘅心裡話,話不能當佢係唯一嘅兒子,又指李敏鎬就算知父親病,都冇來探佢,又踢爆李敏鎬係騙子。李敏鎬聯同騙子三人組準備去見父親,全智賢亦想跟埋一齊去,但李敏鎬唔畀全智賢一齊走。

全智賢見李知勳,全智賢仲開佢有關成東日係邊個,點知原來成東日已經喺現場偷聽佢哋講嘢,全智賢仲問佢有關「姜智賢」嘅事。李敏鎬去到父親屋企,檢查父親藥物及佈置咗唔同嘅用具後,終於去到父親間房,不過佢父親睇唔到佢,只見模糊樣子,李敏鎬話畀父親知後母嘅真實面目,父親話係自己選擇,錯了亦係自己人生,仲話自己好幸福,只係有少少眼部問題。無論李敏鎬說甚麼,父親仍堅持唔肯走。

另一邊廂,成東日終於同全智賢見面,成東日原本想用水令全智賢現人魚真身,仲追到上天台,全智賢捉緊成東日嘅手想刪除佢記憶,點知佢就將成東日嘅前世今生記憶全部睇一次,仲發現咗自己喺前世係同李敏鎬一齊死去,全智賢知道之前李敏鎬說謊話佢哋前世有美好結局,但原來一切都係美麗的謊言,全智賢因為李敏鎬離世而令佢殉情自殺,得知秘密嘅全智賢即時傷心得淚流滿臉。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載