› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年01月12日

【獨家】拍飲食節目咬爛牙冇得claim工傷? 羅鈞滿疑曾被嫌麻煩飛出節目

103,307
建立時間 (HKT): 0112 00:01

之前報道過,無綫節目發展分部助理總監(處境喜劇)邵麗瓊喺離職前送咗份「最後禮物」畀公司,佢落足心機寫《愛.回家之八時入席》最後兩集劇本,一針見血咁透視電視台由上而下嘅卸膊文化(相關新聞: http://bit.ly/2j5ITy7 )。

其中有一場戲,講述各監製,各家自掃門前雪,出咗事即交波,仲舉埋例,話有藝員塊面皮膚敏感,梳化服互相交波推卸責任。《蘋果》搵過邵麗瓊,佢就話創作時並不存在影射,尤其係「五年前」余詠珊入主呢單都只係巧合,仲笑咗兩聲添。

但事實係咪咁?大家應該心中有數,日前《蘋果》收到一位幕後人爆料,話大台卸膊文化,比比皆是。

是咁的。據聞已被離職嘅羅鈞滿去年同鄧佩儀一齊拍《搵食飯團》時就發生過類似事件,幕後人員爆料﹕「當日去咗砵蘭街一間四川雞煲店,羅鈞滿食食下咬到雞骨,小臼齒爛咗半隻,佢拍埋個鏡頭後,就去咗睇牙醫,但之後就claim唔到工傷。」

據了解,羅鈞滿曾經拎住一張醫生紙畀PA,再由PA同《搵食飯團》監製謝英偉講,但拖咗幾日,對方都唔肯簽紙報工傷;之後藝員科一名同事嘗試幫羅鈞滿填claim form,但由於程序頗複雜,要經勞工署同牙醫判傷等複雜事項,件事最終都係冇人肯follow,羅鈞滿除咗要自己畀8千幾蚊整牙費之外,聽講冇幾耐仲被調離《搵食飯團》添,疑似有人嫌佢麻煩太多事!

羅鈞滿接受《蘋果》訪問時亦認有其事,佢以短訊回覆:「咁犀利,咁你哋都收到風?件事都係意外,發生咗,唔關錢事,反而覺得件事搞咗好耐,都冇人肯承認工傷問題。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載