› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月12日

【動畫●獨家】大陸做主角大台做配角 61歲李國麟嘆:TVB啲poster唔係好預我

387,221
最後更新: 0112 20:27 / 建立時間 (HKT): 0112 00:03

現年61歲李國麟喺1974年加入無綫藝訓班,同期仲有杜琪峯、劉仕裕、黃杏秀、潘嘉德等,但大家唔係轉做幕後,就係退休,得番李國麟堅持幕前演出。

呢位「綠葉王」喺大台演過逾百部劇集,忠角、奸角、搞笑、悲情乜都得,可惜就係冇機會擔正。不過,機會幾時都係留畀有準備嘅人,近年李國麟返大陸拍劇好吃香,最近有部大陸網劇《超能少年三部曲之宿命之戰》搵佢做主角,poster張相佢佔咗1/3,雖然得大頭,但淨係對眼已經好有戲,旁邊圍住一班大陸新演員,仲有香港人認識嘅曾偉權同黃榕。

李國麟日前接受傳媒訪問,講到張海報搵佢做主相,佢笑笑口話:「係咩?!咁俾面呀!(係咪第一次做主角?)唔係,上面(大陸)都幾密吓,係TVB啲poster唔係好預我之嘛,哈哈哈。」

呢部網劇於大前日(9日)開播,前日喺深圳搞咗發佈會,但李國麟話自己忙到分唔到身,佢解釋:「聽講仲想上院線,佢哋話一定要見到我,但TVB又要我畀期,o依家開緊3部劇,殺到2月幾又開《溏心風暴3》……因為公司真係唔係幾夠人,得嗰幾百個演員,係用得嘅大家都知邊啲……但我又見過有啲質素、唔曳嘅演員幾個月冇嘢做,最高紀錄8個月都有,我都唔知點解?」

李國麟又話自己仲有幾部劇未出街,加埋演緊3部及即將拍嘅,隨時黃金三線劇都會見到佢:「係,TVB安排好曳,大家有留意,一個演員如果幾重戲,隨時會令觀眾睇到混淆,我以一個觀眾立場就覺得好有問題,作為一個擁有龐大財產嘅公司,係糟蹋咗。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載