› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月12日

【一台獨大】4月約滿未傾去留!綠葉王李國麟:咪打游擊囉!

24,669
建立時間 (HKT): 0112 00:02

李國麟對無綫可謂「愛之深‧責之切」,佢日前接受傳媒訪問時,除咗慨嘆大台糟蹋資源之外,佢亦有幫公司講好說話:「好多人話TVB啲劇唔得,編劇日日都『屙』,乜都乾晒,唔怪得佢哋。喺TVB有名未必有利,但唔明點解要鬧?TVB畀唔到我做重要角色,都有閒角畀我做,糧期準,養咗我幾十年,超碼畀到我一頭家,畀到我安全感。」

不過,一台獨大問題依然存在,61歲李國麟將於今年4月約滿,但到o依家都未有人搵佢傾續約,問擔唔擔心?佢話:「佢哋好『他他條』嘅,始終香港得一個台,你唔做,做邊個呢?(奇妙電視5月開台)多幾多都好,冇本地製作、冇劇集、冇簽演員根本起唔到作用,冇衝擊都係一潭死水,得一個台。曾經有一個王維基,佢起過一個浪,但問題係一冚就熄咗,有好多大家都明嘅因素啦。!」

李國麟坦言去留仍要視乎對方開出嘅條件,但似乎又唔係好樂觀,佢話:「我去年都想唔續,但冇TVB冇今日嘅我,亦冇大陸市場,TVB畀我感覺係好需要我呢類演員,我都唔想離鄉別井。但我又覺得今年條件都唔係幾好,好似話公司賺少咗,唔係冇得賺,係賺少咗,咁都要向股東交待,我好明白要維持盈利,增加唔到咁梗係要向我哋開刀啦。(唔簽點算?)咪打游擊囉,冇話驚唔驚㗎嘞。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載