› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年01月12日

【出位綠葉王】羅樂林一日死5次「揚威」國際 鄭子誠俾高登巴打追捧

29,626
建立時間 (HKT): 0112 00:02

大台實為臥虎藏龍之地,唔少綠葉王,好似李國麟一樣,喺大台捱足多年,個個身懷絕技,就算只係芝麻綠豆角色,都可以演得出神入化,套套劇有佢哋,就有戲味,好多時,等嘅,就只係一個機會!

羅樂林 一日死5次
現年68歲無綫甘草演員羅樂林,喺5年前嘅某一日,威過晒所有一線小生,因為佢喺短短24小時內,於大台播映嘅5套劇集中,同一日連死5次,唔單止成為城中熱話,更創下香港電視史紀錄,甚至連歐美同澳洲等6國傳媒都廣泛報道,蜚聲國際。就連羅樂林覺得「真係不可思議!」(新聞連結: http://bit.ly/2jvgtdT )

李家鼎 做大廚上位
今年71歲李家鼎,武藝騎術樣樣得,由《香港八一》做到《香港八六》,喺「銀禧小食店」做伙計「李威」為人熟悉,但喺大台做足幾十年都係做綠葉陪襯,點估到佢喺古稀之年,竟然憑一手隱世了得廚藝,拍《阿爺廚房》落兩手,大受觀眾歡迎,令佢人生嘅演藝事業去到頂峯?!

李成昌 奸狡諧趣乜都得
同樣喺《香港八一》至《香港八六》有份演出嘅李成昌,喺劇中演大陸新移民康仔,結果「康仔」個名用到今時今日。今年59歲李成昌早年多做諧趣角色,到近年就做精明陰險、幕後師爺之類嘅角色,做乜似乜!

鄭子誠 完美奸人有陰謀
今年54歲、憑《真情》中嘅無敵奸角李子浩上位嘅鄭子誠,早年喺高登人氣高企,成為熱門搜尋關鍵字,有網民好有心機剪輯咗佢從影以嚟奸到出汁嘅代表作嚟「歌頌」佢,一股「鄭子誠現象」喺討論區籠罩。網民甚至認為,凡有鄭子誠出現嘅地方,必定有陰謀存在。

余子明 御用太監
今年73歲余子明,因喺早期大台綜藝節目 《歡樂今宵》入面飾演 「大眼雞」,之後「大眼雞」呢個暱稱就跟足咁多年。除咗「大眼雞」呢個角色令大家對佢留下深刻印象,亦因為佢有好重潮州口音,不時喺電視劇入面見佢飾演「潮州佬」嘅小角色。喺《金枝慾孽》入面,做陰險太監亦相當出位。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載