› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年01月12日

【杜sir係李國麟同學】秀姑淡出做阿叻背後女人 華倩「二姐夫」係車菊紅隊友

95,115
最後更新: 0112 20:29 / 建立時間 (HKT): 0112 00:02

61歲李國麟於1974年與友人一同投考無綫第四期藝員訓練班,最後只得佢被取錄,其後加入娛樂圈,入行逾40年係圈中出名嘅綠葉。但原來同李國麟同期讀藝訓班嘅同學,不乏名導及香港運動員代表。

杜琪峯
杜sir做導演、編劇之前,原來都做過藝員㗎,佢於1974年讀緊藝訓班嗰時,拍過《民間傳奇》做啲閒角,點知畢業後就俾當時喺無綫做製作部總監嘅甘國亮賞識,去咗做製作助理,再升做編劇、監製。o依家佢已經係影壇大導演。

黃杏秀
藝訓班畢業後,秀姑備受力捧,當年仲同鄭裕玲、趙雅芝被封為第二代三花旦,最為人懷念嘅角色就喺《天龍八部》嘅阿朱同鍾靈。八十年代後期淡出娛樂圈,做陳百祥背後嘅女人。

梁碧玲
大家可記得無綫處境劇《香港八一》系列入面,做相士覺悟因嘅秘書蘇小姐嗎?佢就係梁碧玲喇,佢讀藝訓班畢業後,作品並唔多,完成《香港八一》系列就離開咗娛樂圈,有指佢現時喺紐西蘭定居。

談泉慶
o依家大台深夜重播緊梁朝偉同曾華倩嘅《新紥師兄續集》,大家好懷念呢對昔日情侶嘅演出之餘,戲中飾演曾華倩二姐夫嘅談泉慶,原來係李國麟嘅藝訓班同學,談泉慶除咗係出色甘草演員,原來佢仲係香港保齡球隊前代表,分別喺86、90年同車菊紅參加亞運。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載