› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年01月12日

【的士邦晒愛】35歲姚子羚好事近:朝住呢個目標進發

84,948
最後更新: 0112 15:16 / 建立時間 (HKT): 0112 10:48

【新增內容】
35歲姚子羚入行15年,一向搵男友都非富則貴,早前傳佢向拍拖4年圈外男友Patrick逼婚,結果被狠飛,後嚟佢又遇到真命天子「的士邦」鄭子邦,的士邦手揸過億物業,拍拖1年先公開戀情,多咗出席公開友人活動,今日有周刊爆佢哋已經plan結婚,據知最近已搵朋友問贊助,搵「胡說八道」一眾好友度期做姊妹。

據報道指,子羚上周三約咗胡定欣、豹哥單立文、胡蓓蔚及楊秀惠去大坑食嘢,之後就到楊秀惠開嘅刨冰店食甜品,不過子羚有啲心不在焉,打咗幾次電話,之後男友的士邦由司機接載抵達,子羚行出去接男友,未知係唔係怕有人認到,豹哥兩公婆隔住坐,但佢都有問男友食啲咩、食咗嘢未,相當細心,食咗半個鐘就走人,的士邦知門外有記者並冇避忌,反而大方拖住子羚行出嚟,一齊攞車返紅山半島豪宅。

對於忽然傳婚訊,子羚短訊回覆傳媒:「真係冇plan呀!拍劇都有排拍。(會唔會閃婚?)突發事即係冇plan啦!如果去外地,個男仔plan咗,咁唔通say no咩。但我都想有計劃,未必要plan好長時間,但都想家人喺度見證,如果有呢一日嘅話,哈!咁我哋都好穩定,係朝住呢個目標進發。」

的士邦回應同子羚婚訊:「我哋都幾穩定,我好信緣份,係啱嘅我都唔想浪費人哋時間,我自己都35歲,都係時候要諗下,今年真係冇plan,如果我結婚一定會同大家講。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載