› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年01月12日

【獨家】《RM》摺埋前最後一擊 下月18號首次澳門開騷

20,913
建立時間 (HKT): 0112 10:42
《RM》五位成員下月18號會喺澳門威尼斯人金光綜藝館會粉絲

韓國SBS人氣綜藝節目《Running Man》(RM) 自2010年7月播出以來一直深受亞洲觀眾歡迎,到去年10月成員Gary宣佈專注音樂事業為由,決定退出《RM》,令《RM》陷入六缺一局面。上月更輪到宋智孝同金鐘國宣佈退出節目,點知事後就被爆兩人係被炒魷,事件搞到全城圍剿《RM》節目組,最終《RM》節目組同成員智孝、金鐘國、李光洙、劉在錫、池錫辰及HaHa進行緊急會議,之後就於上月16號宣佈《RM》將播到下月26號就完結。

唔少粉絲得知《RM》會摺埋大感晴天霹靂,事關《RM》陪伴觀眾六年幾,係粉絲每個星期日嘅必煲節目,就快冇得睇,粉絲自然極度失落。不過粉絲唔使擔心,《RM》早於去年已計劃舉行見面會,趁機同粉絲接觸,雖然上月宣佈節目將於下月結束,但因為SBS一早已簽訂舉辦見面會合約,所以即使《RM》於下月播出最後一集,但都唔會影響到成員親近粉絲嘅機會。

本報收到獨家消息,《RM》除了確定下月10號到台北南港展覽館舉行見面會,下月18號更會首次空降到澳門,喺澳門威尼斯人金光綜藝館舉行見面會,到時五位成員智孝、金鐘國、李光洙、池錫辰及HaHa都會飛到澳門見粉絲,不過Gary同劉在錫就因為有其他工作喺身,所以就唔能夠會合《RM》戰友。今次會係《RM》喺下月26號最後一集播出前會粉絲,本港同埋澳門粉絲要把握機會見《RM》成員。

據知今次《RM》會以全新表演內容來演出,除了會喺現場玩《RM》中經典遊戲外,今次見面會形式仲會首次以演唱會方式呈現畀粉絲,成員仲會喺現場載歌載舞。而《RM》雖然第一次喺澳門開騷,但佢哋唔係第一次嚟澳門,佢哋早於2013年已飛到澳門取景,當時仲有0依家人氣韓劇《鬼怪》男星李棟旭同埋韓惠珍做嘉賓,眾人仲先後到訪大三巴、澳門旅遊塔等地,唔知今次《RM》成員再到訪澳門會唔會再重遊舊地呢?

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載