› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews
2017年01月12日

【獨家】曲終人散!《RM》3月有望再襲港 開最後見面會

44,243
建立時間 (HKT): 0112 17:40

韓國SBS人氣綜藝節目《Running Man》(RM) 將播到下月26號就完結,今日《蘋果》率先爆料,韓國SBS人氣綜藝節目《Running Man》(RM)將於下月18號首次去到澳門威尼斯人金光綜藝館舉行見面會(新聞連結: http://bit.ly/2ij4L52 )。雖然澳門同香港好近,搭一程船就輕易到底,但唔少《RM》港迷都好關注其實佢哋會唔會再次嚟到香港開騷。

本報獲得行內人士爆料,《RM》香港站已籌備中,但由於好多嘢要確認,所以Confirm之前唔會隨便公佈,但佢哋會喺香港開騷嘅消息一早已喺粉絲界中流傳,粉絲亦已準備撲飛。因為一切落實嘅話,香港站就好大機會係《RM》最後一騷,亦都係佢哋最後一次以《RM》成員身份見港迷。

對於有關《RM》香港站情況,主辦方面就回應:「有關香港站嘅情況,還未最後確定,仍和藝人方爭取安排中,有最終消息會儘快通知大家。」

據知香港站暫定會於3月底舉行、即節目播完之後,《RM》方面亦已決定來港日子,現在萬事俱備,只欠開騷場地同有冇其他協辦肯承接,事關要邀請《RM》來港唔係容易,開支龐大,所以一定要計好條數;順帶一提,上月宋智孝所屬事務所曾透露智孝會跟隨《RM》喺1月至3月到六個地方開見面會,言下之意香港站開騷機會就好大。

知情人士指,《RM》喺香港開騷嘅成數好高,事關「限韓令」仍然實行,《RM》之前除咗喺中港台開見面會外,亦曾喺曼谷、吉隆坡及新加坡等亞洲地方開騷;加上之前開親見面會香港站都必定係名單之內,且每次來港都甚受歡迎,見面會門票亦好快爆滿,所以佢哋若然舉行亞洲巡迴見面會,一定唔會忘記香港嘅粉絲。

事實上《RM》自2013年舉行見面會開始,每年都會嚟香港開騷,當中2013年至2015年都喺香港亞博館見港迷,不過去年《RM》僅到台灣開過一場見面會,之後亦冇到其他地方搞騷。

去年7月YS娛樂曾於微博表示,已經同SBS電視台簽訂舉辦見面會合約,當時聲明中亦提及見面會地點包括香港、大陸、台灣、澳門等地,但之後爆出「限韓令」,令《RM》見面會一直只聞樓梯聲,只得下月10號嘅台北一場同埋18號澳門見面會確定開騷。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載