› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年01月12日

【戀事都要迎新】去挪威睇北極光 周秀娜笑言想食吓「外國菜」

9,737
建立時間 (HKT): 0112 13:23

鄭丹瑞(阿旦)、周秀娜及鄧月平噚晚到中環HMV宣傳電影《小男人週記3之吾家有喜》,三人一同受訪,旦哥因為近日頻宣傳辛勞失聲,說話喉沙沙,佢話:「上個禮拜做咗十幾個訪問,醫生叫我封嘴一星期,否則就好似依家咁。」太太見到咪好心痛?旦哥笑稱:「有,但佢同屋企人飛咗去韓國玩。」娜姐話阿嫂可能買人參給俾旦哥進補。

阿旦話電影集合當代女神周秀娜同新一代女神鄧月平,配合套戲主題愛舊迎新。娜姐直認喺戀愛方面送舊好耐,佢早前到挪威睇北極光度假,個個即關心佢有冇艷遇,娜姐笑話:「我都諗住會有一段浪漫艷遇,食吓『外國菜』,倒數當晚有個講國語男仔主動話想認識我,仲好尷尬望住我好耐,但我就俾朋友拉走咗,最終都冇下聞。」人在他鄉,如果老外會唔會有機會呢?娜姐即話:「我鍾意食唐餐。」

鄧月平透露期待戲中同娜姐去揀Bra戲份,有幸睇到娜姐美好身段時即嘩一聲嗌咗出來,覺得娜姐好正,好羨慕。娜姐都知鄧月平係有料之人,反指佢使乜羨慕。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載