› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年01月12日

【GD係《鬼怪》妹妹轉世?】太陽護照相 撞樣哪吒又撞G.E.M.

15,976
建立時間 (HKT): 0112 20:15

護照係出國嘅必需品,身為藝人成日要飛來飛去,所以護照就好重要,但係做藝人就要付出代價,要承受護照被人偷影嘅危機,好似去年憑韓國神劇《太陽的後裔》爆紅嘅宋仲基咁,就試過被偷拍護照放上網。

近日就到韓國天團BIGBANG嘅成員太陽嘅護照曝光,仲成為網民熱烈討論話題,當中太陽個頭中間分界,然後束了兩個髻嘅物體,造型十足十哪吒一樣,唔少網民睇到太陽張證件相都話佢好可愛,亦好奇咁樣造型影護照相會唔會唔通過。不過有網民就發現太陽個造型似足喺劇集《封神榜》嘅哪吒造型,而之前香港嘅G.E.M.都試過以類似造型示人,即時被網民取笑佢似長洲玩飄色嘅哪吒。

另外,BIGBANG嘅隊長G-DRAGON近日都同人氣韓劇《鬼怪》扯上關係,有網民發現GD去年戴嘅一隻綠色戒指,同《鬼怪》中皇后金所炫所戴嘅戒指一樣,金所炫喺劇中飾演孔劉妹妹,而佢同皇帝金旻載有訂情戒指,呢隻戒指仲令到皇帝嘅轉世李棟旭好大感觸,見到戒指都即刻淚流滿面。當網民發現GD曾經戴嘅戒指竟然同金所炫戴嘅一樣時,即時笑稱原來GD才是皇后嘅轉世。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載