› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews
2017年01月12日

【多圖】苟姑娘瘦番晒 俯身晒「卡槽奶」超性感!

218,310
建立時間 (HKT): 0112 16:22

苟芸慧(苟姑娘)和王浩信今日喺銅鑼灣世貿中心為新春擺設進行揭幕禮,寫揮春同玩遊戲摺金元寶。苟姑娘公開表示希望2017找到真愛,而王浩信接過金雞報喜揮春後,話自己未有時間「搞喜訊」。

苟姑娘今日露肩兼胸前谷三吋事業線,瘦咗自信騷身材,苟姑娘話:「唔係,件衫設計師揀,好耐冇見大家,俾啲surprise大家,繼續希望保持健康。」苟姑娘又祝福大家新一年甜甜蜜蜜,咁係咪蜜運中?苟姑娘又不置可否,只透露自己一路感覺甜蜜,希望專注工作,新世代興事業愛情兩兼顧,苟姑娘又話呢個年代要工作先,會繼續讀珠寶鑑證進修。

係咪為進軍商界準備?苟姑娘笑指:「我唔適合做生意,唔識計數,都係做自己開心嘅嘢。」今年目標就係希望成功設計一隻靚嘅戒指,同時亦為身邊朋友趕工,因為有幾個婚禮要去。好友岑麗香有老公強強親自設計婚戒,苟姑娘話:「有男友設計好sweet,亦係表達愛一種,仲要係唯一。我希望搵到心地好,畫個心俾我都得。」

王浩信同苟姑娘曾合作《EU超時任務》演過氣情侶,王浩信喜見苟姑娘現時狀態充滿正能量,相比合作時光彩出哂嚟,希望苟姑娘繼續保持開心。王浩信又話希望今年中打後可以同太太陳自瑤加緊「搞喜訊」,但每當自己忙完工作過後,見到四歲女兒嘅變化,就覺得自己錯過了好多有遺憾感:「囡囡仲會扁嘴投訴,令我唔捨得返工。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載