› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年01月12日

【咩叫曖昧?】婷婷黑色透視行騷 一提「鷹眼」即甜笑

26,326
建立時間 (HKT): 0112 20:06

謝婷婷到深水埗出席設計系學生時裝表演,着黑色透視裝性感登場,婷婷話:「自己有打底,唔驚凍,平時見設計師想問好多嘢,想知佢哋個腦諗乜。」問以前有冇男友係藝術家?佢話:「唔知,未試過。」最近婷婷同荷李活影星「鷹眼」謝洛美維拿(Jeremy Renner)傳緋聞,早前佢喺社交網貼相講生日快樂,問係咪祝福鷹眼?婷婷甜笑咗一陣,坦言:「係呀,正日都有同佢講happy birthday。」

問到有冇進一步發展?婷婷話:「要慢慢做吓朋友先。」咁o依家係咪曖昧階段?中文水皮嘅佢反問乜叫曖昧?記者解釋完,佢話:「唔知呢,等我再清楚啲先話你知。」問到有冇同鷹眼慶祝生日?婷婷話:「佢喺美國冇同佢慶祝,同佢講咗自己工作唔得閒,下年生日先再慶祝。」提到鷹眼就快有新戲上,婷婷即話:「係呀,但冇請我睇首映,佢都好多戲上,自己過年都有好多嘢做,冇計劃見面,情人節都要做嘢。」記者笑佢唔留機會畀人,婷婷話:「工作緊要,情人節可以延後。」

另問到哥哥謝霆鋒有冇藝術家脾氣?婷婷即刻好妹妹上身話:「哥哥都冇脾氣,自己冇激過哥哥,我係標準妹妹,哥哥一出聲,我會自動幫佢。以前啲男友都好好脾氣,自己都好理智,嗌交一定有理由,自己唔啱會道歉。」問將來搵男友係咪要求唔可以大脾氣?婷婷話:「自己長大咗,唔會咁易呷醋。」

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載