› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR
2017年02月18日

【港女買樓招親?】「貼樓女」Inky最想生BB考慮借種

33,152
建立時間 (HKT): 0218 00:20

網上近日爆出多位港女,好似「105%姐」Macy靠黐為層樓,拒俾家用、八達通用屋企錢,行街食嘢靠男友,呢啲上樓嘅「勵志」故事,又或者「有樓有高潮」嘅世界級拜金女Seasun,講明要男友送樓,仲話2千呎係基本(新聞連結:http://bit.ly/2m0CBhj),早前又爆出公猴「洞穴論」太細就會入唔到(相關連結:http://bit.ly/2lUgVUN),真係聽到人O晒嘴,未知係唔係大台呢個真人騷《有樓萬事足》想make noise,不過…人間似乎有少少「清泉」!

講緊就係呢個節目中嘅32歲「貼樓女」Inky,噚日《蘋果》訪問過呢位現時做marketing嘅「貼樓女」Inky,佢嚟自單親家庭,自細寄人籬下,又供細佬讀書,最高峰嗰陣,喺讀夜校時期試過同一時間打5份工,第一桶金做電訊promoter賺到,之前一直以工作行先,冇諗拍拖,覺得冇一個男仔會鍾意一個成日做嘢嘅女人,不過佢都好開心喺年半前以300幾萬買咗一個油麻地區一個3百幾呎嘅單位、樓齡40幾年嘅舊樓,直言做咗七成按揭供30年,月供要萬幾蚊,佢笑住話:「o依家要更加慳!」

問到咁辛苦有冇諗過識一個有樓嘅男友?Inky呻:「我有諗過,但係我個人唔鍾意靠人,我連家人都唔鍾意靠,更何況係靠人哋,覺得每個人都有自己嘅負擔,我呢啲就係蠢,比較蠢啲嘅女人,我都係想靠自己咋!」

講到佢喺節目「買樓招親」,Inky解釋:「呢樣嘢唔係我第一個目標,我o依家反而係想生BB,好想有自己嘅下一代。」o依家仲係單身嘅Inky,唔知又有冇考慮借種?Inky講:「我唔排除呢樣嘢!」

對於拜金女Seasun嘅「偉論」,Inky就話:「我自己覺得冇問題,佢本身個人好爽直,可能好多女仔都會好似佢咁諗,只不過佢講自己夠膽講出嚟,好似我自己,我都怕講咗出嚟話招親,人哋會話我咁咪賣剩蕉!冇人要,但係又可鼓勵咗啲冇樓嘅男士,冇問題,如果你真係鍾意嗰個女仔,其實有咁上下經濟收入嘅女仔,係唔介意。」再問點睇啲女仔出賣自己肉體換樓?佢就話:「可能佢係覺得開心呢?兩個人嘅生活只係佢哋先知道,第三個人唔知人哋係點樣生活,我唔會評論呢一樣嘢。」

坊間盛傳呢個節目有造假之嫌,甚至懷疑有劇本,Inky話:「冇㗎,嗰啲主角我都唔知係邊個,去到喺記者會先知,我之前都唔識岑應,係投資專家介紹先識。」

場地:KOOL Co-creative Studio

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載