› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年02月18日

【開口埋口都係「戲」】被指陪酒會所工作 「高潮女」:我成日周圍去玩喎

75,629
建立時間 (HKT): 0218 00:20

港女進化有冇上限?冇人知,不過最近有一班為咗有層樓揸手,出盡方法倒貼、唔俾家用,甚至一心一意為層樓識男仔嘅港女出沒……咪就係嗰班幫大台拍《有樓萬事足》嘅女仔囉。

其中最出名嗰位「高潮女」Seasun噚日接受《蘋果》訪問,除咗上回講到佢為咗有樓,甘願做二奶之外,原來佢一直都憧憬想加入娛樂圈,仲自認對演戲尺度好有彈性,就算要佢做三級片女主角,都完全唔介意:「嘩!好鍾意呀!點解唔得先,嚟緊《拳王》都有casting,可以操下又可以工作。」明張目膽講完想入行,但對於性感尺度就模稜兩可,Seasun話:「最緊要靚,最緊要啱feel,男主角最好係Michael Jackson。」

再講講下,先發現原來Seasun未有樓揸手,「有樓有高潮」呢個名句喺網上瘋傳,咁真正嘅高潮,佢有冇試過呢?對於呢個問題,Seasun竟然遊花園:「高潮隨時都有,我唔知你講邊種高潮,我內心嘅高潮就成日有嘅。」

至於有人話見過Seasun喺有女子陪酒嘅私人會所出現,質疑佢喺會所返工,Seasun就解釋:「太多喇,我成日都周圍去玩喎,好多喎,我冇印象啦。」咁會唔會介意有人咁講?佢好長氣咁話:「我隨時都係一個認真mood,可能send個message都係工作,好難界定乜係工作唔工作。甚至工作都可以話係興趣。冇所謂啦,唔知呀,我唔回應咁多囉,回應得幾多個呀。」

講番大台個節目,Seasun開口埋口都係用「戲」嚟形容,不過佢保持一貫口風,話冇見過劇本,但對於外間形容做「拜金女」,佢就有佢一套睇法:「演一個角色都要盡情投入、真情流露,我絕對拜金,我拜……香港金融市場所賜。」呢個爛gag,笑唔出,不過講到錢,Seasun認係恨錢一族:「我恨,錢好重要㗎,我細個媽咪帶我去雜貨舖嗰時,我見到好得意玩具,我想試好多好多嘢,對每樣嘢都好奇,但自己未必有能力,冇錢,攞唔到就好想攞到。」

場地:KOOL Co-creative Studio

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載