› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年02月18日

【仍未有樓】「高潮女」為層樓甘願做二奶:送層樓俾我梗係好啦

239,800
建立時間 (HKT): 0218 00:20

時而勢易,一個素人,想要上位,只要喺適當時候爆幾句出位金句,唔使1日,佢個名就自然會出現喺各大網站討論區。Seasun,22歲,中文名叫鄧寶怡,曾經喺趙世曾公司打工,係嚟緊大台嘅真人騷《有樓萬事足》入面嘅受訪者。

獨有見解包括:

-有樓有高潮(新聞連結:http://bit.ly/2lT2qnB )

-冇樓咪白撞

-公猴愛洞穴(新聞連結:http://bit.ly/2lUgVUN )

即使面對排山倒海嘅負評,噚晚,Seasun接受《蘋果》專訪時,直言冇後悔講出真心話,亦唔怕嚇窒追求者。Seasun話:「可能因為咁,先多咗人留意我呢!」

恨樓恨到發燒,仲要理想呎數2,000呎起跳嘅Seasun,曾經講過有樓先容易繁殖下一代,為層樓不惜一切嘅佢,明言若果搵唔到肯送2,000呎樓俾佢嘅男人,拍三級片、做二奶,甚至出賣肉體都在所不惜,真係有幾徹底得徹底。

對於甘願做人二奶被包養,Seasun就話:「我嘅situation呢,咁既然……對方係同我拍拖,送層樓俾我梗係好啦,係對呢段關係嘅承諾嘛!」

至於出賣肉體換樓,Seasun就更加理直氣壯:「有啲咩係唔道德,要我講大話?如果有啲嘢做完唔影響到人嘅話,有啲咩唔做得?又唔係犯法,殺人放火。如果係好靚仔,一定會考慮。」會唔會貼埋樓俾佢?佢話:「我又未有樓,點貼俾佢呀?假設性問題唔答啦。再答幻想嘢啲人會話我kai。」

知名度短短兩日爆升嘅Seasun,即使明知係一剎那光輝,都想借呢個虛火喺娛樂圈搶灘,佢話就算拍三級片都絕對有得傾。

Seasun講擇偶條件要有2,000呎樓先合心意,之不過,喺香港地,要買得起2,000呎樓,絕非普通人家,問Seasun有冇留意城中筍盤或鑽石王老五,例如大劉仔劉鳴煒時,一直妙語論珠嘅Seasun,忽然陷入一片沉思中,然後施施然答:「target?冇諗喎,焦點唔喺呢度,我講明唔會主動,係佢哋去諗,唔係我去諗。」

Seasun成日想男人買樓,但有唔少人都有一個諗法……憑什麼?Seasun就話:「我喺個男仔心目中有咩份量,唔係我去諗,係對方點諗,我都係base on你睇得我咁重,我都會覺得值得,係永遠美好回憶。」

記者單刀直入問Seasun覺得自己值幾多呎,Seasun又…又語出驚人話:「值幾多呎呀?你講緊下面呀?(哈哈)……講買樓?唔會限制自己囉!」

場地:KOOL Co-creative Studio

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載