› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年03月21日

【第十一屆亞洲電影大獎】范冰冰封影后 《我不是潘金蓮》奪最佳電影

33,837
最後更新: 0321 22:30 / 建立時間 (HKT): 0321 20:18
(電視截圖)

「第十一屆亞洲電影大獎」今晚喺香港文化中心舉行,大會率先頒發「最佳新演員」,由韓片《下女誘罪》嘅金泰璃奪得,佢喺台上話喺韓國都得到唔少獎項,但佢覺得唔係個人功勞,係所有人嘅支持,先令到佢可以獲獎。佢又感謝編劇,寫咗一個好劇本出嚟。

10:17pm 范冰冰同馮小剛得獎後喺後台接受訪問,馮小剛提到剛好自己生日攞獎,特別係冰冰再封后,多謝同劇男演員,因為冇佢哋都襯托唔到冰冰,亦冇諗過攞獎。至於冰冰攞獎就係送畀導演嘅生日禮物,佢話每一場戲都困難,得獎係幸運,贏3個獎。

9:54pm 《我不是潘金蓮》奪得最佳電影

9:47pm 范冰冰憑住《我不是潘金蓮》,奪得最佳女主角。

9:42pm 淺野忠信奪得最佳男主角,由林嘉欣頒發。

9:24pm 韓片《哭聲》嘅羅宏鎮奪「最佳導演」。

9:10pm 杜琪峯導演及電影投資者于冬出場頒發「終身成就獎」,由徐克奪得。

9:05pm 鄭中基頒發「最佳女配角」,由韓片《下女有罪》嘅文素利奪得,佢表現驚訝,直指冇諗過自己會得獎,又話自己已經有唔少得獎經驗,但今次真係好意外。

9:00pm 楊千嬅頒發「最佳男配角」,由《樹大招風》嘅林雪奪得,全場報以歡呼聲,佢話要多謝杜琪峯,一路畀機會,教佢做人同做戲。

8:48pm 任賢齊出場頒發「卓越亞洲電影人大獎」,得主係鄭秀文(Sammi),大會播放佢喺唔同電影中嘅演出,包括《我左眼見到鬼》及《盲探》等,Sammi以一頭紅長髮襯全白色套裝現身,佢感謝歷年嚟畀機會佢嘅導演,仲話自己距離卓越仲有好大嘅距離,而佢希望將獎項同3位朋友分享,分別係杜琪峯、韋家輝同劉德華,直指3人係自己嘅伯樂。

8:39pm 谷德昭出場頒發「最佳剪接」獎。由《身後仕》(Apprentice)嘅利查泰米提古(Lee Chatametikool)及蘇智韻奪得。

8:36pm Wyman繼續頒發「最佳美術指導」,《下女誘罪》再下一城奪獎。

8:34pm 黃偉文(Wyman)出場頒發「最佳造型設計」獎,由《下女誘罪》嘅趙常景奪得。

8:24pm 日本女星桃井蕪及馬志高(Scott J Messinger)頒發「飛躍演員獎」,由主演《美人魚》嘅林允奪得,林允上台話:「其實我蠻緊張,然後寫了、背了好多稿子,我一下子就忘了,然後我很感謝周星馳導演,這是飛躍獎,是他帶了我飛躍的,對得起這份幸運,要越來越努力,也很感謝我的家人、我的工作人員,然後我好緊張,我講完了,謝謝。」語畢,台下報以一片笑聲。

8:16pm YOSHIKI接住頒發「最佳音響」獎項,由大陸片《長江圖》奪得。

8:10pm 日本樂隊X-JAPA靈魂人物YOSHIKI出場頒發「最佳原創音樂」,佢以英文重提舊年年尾嚟香港開騷遇意外,最後免費演出事件,又感謝fans不離不棄支持自己,佢仲話:「As you know, I really love Hong Kong.」。結果獎項由韓片《密探》嘅MOWG奪得。

8:08pm 「最佳視覺效果」獎項落在日本片《真‧哥斯拉》手上。

8:04pm 「最佳攝影」由《我不是潘金蓮》嘅羅攀奪得。

7:56pm《伊朗式遷居》(The Salesman)嘅阿斯加法哈迪(Asghar Farhadi)奪得「最佳編劇」,此片於上月舉行嘅奧斯卡中奪得「最佳外語片」。

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載