› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年03月23日

【演藝同學會】大師兄黃秋生棟篤笑祝賀 朱茵讚King Sir似監護人

16,712
建立時間 (HKT): 0323 20:25
攝影:陳慧安(蘋果日報)

鍾景輝博士(King Sir)今日正日生日,於將軍澳皇冠假日酒店筵開60席,慶祝八十大壽。一眾圈中好友及學生們都有到場送上祝福。

朱茵係King Sir學生之一,被問到會送咩禮物俾King Sir,佢就話:「利利是是,送祝福最重要。」朱茵又話自己今晚唔會上台表演,只係喺台下做觀眾,今晚係一個機會同舊同學聚下。朱茵又講到自己就讀演藝學院時,King Sir係校長,每星期都有得上佢堂,而且King Sir一啲都唔惡,係不怒而威。

另外,朱茵又諗番起當時畢業旅行,係由King Sir帶隊去英、法兩地,佢話:「自己第一次坐飛機,係個好回憶,自己入行都係因為King Sir。」原來朱茵第一份約都係King Sir幫佢簽,如果唔係都唔會拍電影同入TVB;當時King Sir好似監護人咁,自己未夠18歲,拍廣告同電影都要佢簽名先可以批準。

King Sir桃李滿門,同場嘅「大師兄」黃秋生接受記者訪問時被問到,究竟佢同萬梓良邊個先係「大師兄」?佢解釋:「如果演藝就我,如果萬子呢,就係浸會。如果講到正式,咁就係毛sir毛俊輝先係真係第一代大師兄,入室弟子。」

今晚秋生有份上台分享同King Sir點滴,之前話準備咗3頁紙講辭,但今日嚟到得番張卡仔,秋生笑言:「驚自己唔記得,呢個係濃縮版嘅劇本。」至於分享形式佢會表演單口相聲,即係一人分飾兩角:「今晚用劇本對白形式嘅棟篤笑咁去講呢份講辭,好緊張,我都唔知飲唔飲酒好,我都驚唔記得啲對白。」至於佢會表揚King sir啲咩,佢就賣關子唔肯講。

此外,生日會開始後,大家就安排咗一個6層生日蛋糕,仲邀請埋3月生日嘅賓客上台一齊同King Sir切蛋糕,有薛家燕、同日生日嘅謝君豪,而劉兆銘則代表大家送咗一件龍袍俾King sir,件龍袍係所有賓客簽上名,非常有紀念價值。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載