› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年03月27日

【志明都叫唔好】市民為打卡犯險爬「志明橋」 余文樂呼籲:因影相而出事好唔值得

39,267
建立時間 (HKT): 0327 22:06

《志明與春嬌》嚟緊第三部《春嬌救志明》就快上映,當初第一部sell本土回憶,有唔少場景都成為經典,就好似佢哋食煙嘅後巷、戲中去嘅時鐘酒店、仲有佢哋一齊行嘅行人天橋,都成戲迷朝聖地,不過就造成問題!

事關有任職消防員嘅網民喺facebook呼籲,有唔少fans為咗去呢條位於九龍灣偉業街,網上俗稱「志明橋」嘅天橋打卡,不惜犯險爬上天橋頂或伸出窗外影相,搞到有唔少熱心嘅司機、市民報警求助。該位消防員又指:「每次都會出動多輛緊急車輛,包括升降台,兩架搶救車,喉車燈車,救護車救護電單車及警車,最少共8架。因為情況真的很嚴重,每更返工都最少一轉。」不但容易發生意外,又浪費救援資源,希望市民切密以身犯險。

而《蘋果》就搵嚟《志明與春嬌》系列導演彭浩翔回應,佢就話佢都聽講過有唔少市民爬上橋打卡影相:「我嘅戲係冇爬上去,唔知點解啲人去影相就爬上去,同坐喺個邊到,向馬路方向影相好危險。」彭導向大家呼籲之餘仲不忘宣傳佢嘅新戲:「我誠心呼籲,無論鍾意部戲嘅朋友又好,鍾意個場景嘅朋友又好,千祈唔好因為打卡而令到自己受傷,因為《春嬌救志明》個意思,就算你覺得自己似張志明都唔需要危坐喺橋邊,因為最春嬌未必救到你,到時就變『消防救志明』㗎喇!」

而余文樂就呼籲:「我覺得喜歡一部電影有好多表現方法,如果大家鍾意嗰條橋當然係冇問題,但係拍戲我哋都係喺橋入面影,希望大家唔好企上橋上面,因為真係好危險,因為想影相而出事,真係好唔值得,希望大家唔好咁做!」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載