› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年04月20日

【拒談再婚傳聞】亡夫似守護天使!紅姑眼濕濕:冇佢就冇今日嘅我

148,521
建立時間 (HKT): 0420 19:35

LV尖沙嘴旗艦店今日重開,撐場嘅有關之琳、周焯華太太陳慧玲(Heidi)、鍾楚紅及張智霖等,鍾楚紅被問有網料指紅姑因為先夫朱家鼎關係信咗天主教,許下承諾一生不嫁,紅姑認係天主教,被問老公離逝十周年有冇咩悼念儀式,紅姑續言日日都懷念老公,一切在心中,紅姑又話:「佢好似我嘅守護天使,日日跟住我。」紅姑稱以前有夢見亡夫,不過o依家就冇,之前計劃有咩trip想去,又唔知去唔去,plan緊嗰陣,就真係夢見亡夫好似陪自己一齊去旅行咁。

咁老公信奉天主教,係咪對佢有影響,紅姑話:「其實好難講係咩影響嘅,呢個係緣份,同天主教嘅聯繫係有感覺嘅!」追問佢係咪唔會再結婚?佢就話:「呢啲並唔係一個承諾,我哋嘅愛情仲係到,唔會特登許咩承諾,係個心感覺,可能我係一個保守嘅人。」問佢係咪每日都戀愛?紅姑就笑住反問記者:「我似唔似吖!我已接受佢唔係我身邊,但佢對我嘅影響仲係度,因為佢我先知世界咁大,同埋佢對我嘅成長都增長,冇佢就冇今日嘅我!我冇諗過(再婚),亦冇咁嘅打算(再婚),係我嘅事囉,冇話要對任何人承諾啲咩嘅,再唔再婚都唔關你事。」講到再唔再婚時,紅姑開始有啲眼濕濕,同記者講唔好再問:「自己會忍唔住(喊),笑言會失禮!」

此外,紅姑剛喺台灣返嚟,問佢有冇食咗好多美食,紅姑話:「唔係好夠時間,因為要減肥,著呢條裙好窄,得23吋腰,好緊,自己都唔敢食,好大嘅損失。」問紅姑係唔係肥咗好多?佢直言:「一直都冇瘦過,減唔到!」咁係唔係好為食,紅姑就話:「可能新陳代謝有啲問題。」紅姑話今次逗留台灣兩日,見咗制作人邱瓈寬一次,咁對方係唔係好嬲城城(新聞連結:http://bit.ly/2oO6ohs)?紅姑話:「我唔覺呀!唔覺佢嬲,係啲網寫成咁,佢成日都搞笑,唔係點會咁多fans。」佢有冇呻過城城冇請佢去飲,紅姑稱冇時間傾呢啲。

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB
「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載