› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
壹週Plus 飲食男女 Ketchuper 青雲路 交易通.搵車快線 Tomonews Apple VR Famitsu
2017年05月13日

【春嬌志明上紅館】再踩五月天場 余文樂唱廣東話版《志明與春嬌》:很屌!

65,973
建立時間 (HKT): 0513 23:33

台灣天團五月天嘅《人生無限公司演唱會》今晚假紅館舉行,嚟到第3場,rundown同前兩場冇大分別,但去到encore位,今晚嘅嘉賓就引嚟唔少尖叫聲。

大會安排咗楊千嬅同余文樂做今晚嘅嘉賓,當五月天嘅阿信唱出《志明與春嬌》時,千嬅同樂仔隨即登場,台下觀眾瘋狂歡呼。千嬅同樂仔明顯有襯過套衫先上台——女嘅着黑色透視長裙,樂仔就着黑西裝外套,佢哋同阿信一齊合唱,樂仔仲唱出廣東話版嘅《志明與春嬌》,而台上大螢幕就播出《春嬌》3集嘅片段。

唱完之後千嬅提議樂仔獨唱廣東話版,樂仔即推:「唔好搞啲咁嘅嘢啦!」點知阿信開聲:「我想聽。」再令全場歡呼。

樂仔於是用廣東話講:「講明先,我唔係好記得歌詞。」又話第一次唱紅館,呢個「第一次」就俾咗五月天,再用國語講:「我覺得很屌,有五月天替我伴奏。」然後就唱完一段,之後樂仔話差唔多啦,千嬅就話:「佢拍完戲即刻趕過嚟,完全冇排過,大家畀啲掌聲佢,希望佢早日返上舞台好嗎?」而千嬅就再同阿信講:「感謝你讓張志明和余春嬌活到現實中。」阿信就再邀請千嬅同樂仔一齊合唱《突然好想你》。

阿信送走兩人後,再喺台上話:「第一次看《志明與春嬌》已經很喜歡,但導演一直沒找我們,到第3集終於找我們合作,感謝這個機會。」

其實今次係繼上個月千嬅同樂仔喺五月天大連站演唱會後,再度擔任五月天演唱會嘉賓,上次千嬅仲捉住五月天自拍o添!(新聞連結: http://bit.ly/2qDLiEy )

追實城中突發大小事,即 like 蘋果【現場】FB!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載