› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年06月19日

【獨家】跑馬地孤獨醫肚 53歲陶大宇搵老闆搲吹水

208,401
最後更新: 0619 09:52 / 建立時間 (HKT): 0619 00:02

正所謂「有朋自遠方來不亦樂乎」,不過好多人會問「邊有咁多朋友先」!其實識朋友真係好易,學下陶大宇咁,日前《蘋果》喺跑馬地嘅新昌明食店見到佢,嗰陣大約係黃昏6點左右,見到大宇一個人去咗食嘢,不過佢今次唔係叫「男人嘅浪漫(豆腐火腩飯)」,反而係叫咗碗麵同凍檸茶,坐咗喺近門口嘅一張枱開餐!

7年前同前妻黃慧寶(阿寶)離婚嘅大宇,當日食咗20分鐘左右就「搞掂」咗碗麵,但係佢食飽飽之後冇即刻埋單走人,反而繼續坐低同老闆吹水,睇見佢哋似乎好鬼friend,就算有其他食客眼望望都話之佢,傾極都傾唔完,唔覺唔覺佢哋傾咗差唔多傾咗30分鐘,大宇先至走人,不過臨走嗰陣見到有人準備入餐廳食飯,大宇雖然已經行咗出門口,不過都幫人拉住個門,真係好gentleman呀!

而大宇今日接受《蘋果》訪問,講到嗰日同茶餐廳老闆好好傾,而且仲好gentleman 咁開門俾其他人佢笑話:「好小事啫,嗰度地方淺窄,冇乜所謂。我同老闆識咗好耐,佢係我啲枱波友,而且同好多藝人都好熟,所以有好多明星去食嘢。」大宇近年主力喺大陸做嘢,好少喺香港拍劇,唔知佢又有冇計劃幾時返嚟拍劇呢?大宇話:「其實無綫都有搵過我傾,我o依家一個禮拜都會上上落落幾日,如果要拍嘅話,最少要有3、4個月留喺香港,係時間有時夾唔到。」唔知嗰啲有新意嘅劇本,會唔會容易打動呢?大宇話:「我又冇話要有乜嘢重心,最緊要係時間夾到同埋啱feel!」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載