› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年06月19日

【演唱會$480飛幾好睇】盧淑儀着泳衣選港姐 李克勤:我好介意

133,417
建立時間 (HKT): 0619 17:48

李克勤今日一身花碌碌現身W酒店,為9月喺紅館搞嘅「李克勤慶祝成立30週年演唱會」舉行記招,公司推出黑膠唱片及克勤肖像郵票慶祝此事,並即場宣布加開4日及9日,現在共六場,由於門票太搶手,克勤指連爹哋都詐型,只係買到中價飛。

對於網上有人指公開發售得兩成,克勤無奈話:「呢個係矛盾一生,我自己95年經歷過賣得唔好,其實又唔想拎晒出去,冇乜人內部認購,但內部認購多變成少咗拎出去賣,我都答唔到大家。」佢補充指480蚊位置都幾好睇,而且睇佢唔需要太近。

演唱會名係由林海峰度出嚟,對方解釋李克勤已經係一個品牌,所以用慶祝成立好恰當,至於唔少人如容祖兒同周慧敏等想佢唱《舊歡如夢》,克勤被司儀要求跳經典搖擺舞時,佢話:「唔好啦!翹得高又唔好,翹得低,又無味道,我唔介意唱,但會研究重新編過隻舞,喺邊度跌邊度起番身。」

另外司儀提議佢太太盧淑儀戴后冠上台,現埸有嘉賓提議着埋泳衣,克勤好大反應話:「唔使!唔係年齡問題,喺幾十年前蝕咗一次,實不相瞞,我好介意。」事後克勤笑指當年未有話事權阻止,問到當年是否被太太泳裝吸引?佢笑笑口話:「冇咁快,唔睇呢啲,表面上。」

至於兩位囝囝經克勤親自詢問下亦同意上台,克勤話:「o依家小朋友唱歌水平好高。」咁喺《全美一叮》參賽嘅小巨肺Celine妹妹唱得如何?佢就話不便評論,但身為父母幫子女安排課外活動冇話對與錯,但佢會為小妹妹代表香港而鼓掌打氣。


關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載