› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月18日

【50磅肥膏拜拜】葉文輝1個月激減15磅肥膏 食飽都減4吋肥腩

170,559
最後更新: 0718 11:53 / 建立時間 (HKT): 0718 00:01

上集動新聞講到,蘋果動新聞直擊電台DJ兼歌手葉文輝 (啤梨) 決心搣甩「癡肥啤」稱號,150.2磅嘅佢、身懷50肥膏、35.9吋腰圍喺5個星期後減咗幾多?即刻去片!

啤梨狂做運動之餘,仲有營養師幫手,資深營養師吳耀芬 (Kathy)話:「其實因為啤梨一日到黑都出去茶餐廳食飯,一碟碟頭飯,最肥就係啲汁喇!仲有早、午、晚三餐正餐係最重要嘅,食飽啲就冇咁容易食小吃。」簡單講即係你同我都會遇到嘅問題,一日食兩餐茶記多汁碟頭飯同食得太快囉,因為腦部到半個鐘先會有訊息話飽。

Kathy仲話其實好多嘢都食得,好似雞髀飯去皮走汁:「只要食嘅嘢去皮或切咗啲肥膏、走汁,其實都可以係減肥餐,仲有魚蛋米、牛丸米、雞絲米呢啲都可以食。如果覺得淡口,有啲辣椒汁、辣鮮露都可以食。」佢仲教唔識煮食喱啤梨點買微波爐嘢食減肥!

由6月2號開始、5個星期過去,啤梨嘅減肥成績如何?日前又上到去搵肌力與體能訓練專家(NSCA)Philip Wong,Philip一把脂肪夾一夾,就話啤梨體內嘅脂肪由33%減到26%,即50磅肥膏減走15磅左右,體重由150.2磅減至137.8磅;腰圍由35.9吋減走大約4吋,現時32吋腰圍。啤梨:「冇咗15磅嘅純脂肪,我覺得我行路快咗好多,又冇咁扯蝦,個人精神咗。」而Philip話:「比預期更加好,因為以運動醫學嘅角度一個正常健康減肥,係每個禮拜減兩磅。以佢嚟講,最難會係腹部個core鍛煉上面,因為佢個脂肪主要積聚喺中央嗰方面。記得第一次做個叫leg raise嘅動作,佢個樣係茫然嗰囉。同埋我好欣賞啤梨係冇怨言,態度同埋個意志係最主要。」

而啤梨覺得現時只係啱啱開始:「我依家抹甩咗個肥字,仲係肥,我都要抹甩個肥。我o依家有個目標喇,就係我想好似李小龍咁嘅身形…認真!」

採、編、審:懷鈺
攝錄:馮峰、Neo
場地:家營營養中心、Bio Fitness

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載