› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月19日

【我一個人煮(1)】大廚苛刻鬧到喊 人妻徐淑敏親授金箔燉梨伴呍呢拿雪糕

88,961
建立時間 (HKT): 0719 00:02

徐菁遙(前名徐淑敏Suki)未嫁前,家中由徐媽媽炮製住家菜;嫁作人婦後,同樣有口福,因為奶奶係廚藝高手,Suki根本無用武之地。

三位千金先後誕生,Suki的起心肝報讀法國藍帶課程學藝,在導師嚴格督促下學習,終於學有所成,今次更為《蘋果》新欄目《我一個人煮》打響頭炮,教大家做一款法式甜品——金箔燉梨伴呍呢拿雪糕。

「金箔燉梨伴呍呢拿雪糕」步驟複雜(附圖有教學),曾為無綫主持過唔少飲食節目的Suki一邊甜笑一邊介紹,未食都甜。

齋講Steps好悶,Suki示範之餘,也同大家分享入廚趣事,和學煮法國餐辛酸。「大廚要求好高,佢哋都喺米芝蓮餐廳做過,我零廚藝經驗,當然成日會被鬧,有俾人鬧到喊㗎!」

「我覺得自己好似好冇用,乜都唔識。大廚用詞苛刻㗎,佢哋想學生學成後,可以去到真正廚房工作,所以早少少畀大家嚴厲訓練。」Suki承認係曳學生,因為冇跟足步驟指示,所以係抵鬧:「我係門外漢,會覺得做咗出嚟就得,但大廚要求嚴格,即使伴碟都要跟足。」

甜味令人愉快,Suki笑言與丈夫Kenny已經夠甜,「以噚日情況嚟講都好sweet。」所以毋須出動甜品護夫,反而大排筵席就經常用得上。呼朋喚友,個個賓客讚,老公自然有面,會有獎勵——Suki表示獎品係一個吻喎:「我屋企有個夢想廚房同客廳,唔可以有個唔識煮嘢食嘅女主人。」

但老公廚藝竟然比老婆優勝,「佢勁啲,佢鍾意食嘅嘢,佢會鑽研好技巧。」包括半夜餵妻的「愛心意粉」。

嘩,真係好幸福呀!


撰文:陳杰
攝影:陳順禎
場地:Kohler Kitchens
鳴謝:H&M Home

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載