› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年07月26日

【我一個人煮(3)】洪卓立煮黃腳鱲 背女友湯怡「偷食」

21,536
建立時間 (HKT): 0726 07:02

多次被網民惡搞死訊的洪卓立,今年三十而立身壯力健,日前為《蘋果》新欄目《我一個人煮》學整吊命餸「法式紙包黃腳鱲」,鬼馬說:「阿鱲爺,如果你今年冇死嘅話,你幾多歲?今日我哋煮法式紙包洪卓立。」

廚藝一般的他,面對這味只需切切切、攝攝攝(附圖有教學)的紙包魚都算應付自如,身旁又有主持「表妹」幫手,表妹提他幫魚搽鹽調味,要好似對女友湯怡般溫柔,立立鬼馬拍打魚得戚說:「我對佢(女友)唔溫柔喎!」雖然切洋蔥和切薑都忘切皮,立立死撐:「冇所謂㗎,煮嘢食邊有啱同錯,等於煮意粉係咪要過冷河,你覺得好食咪得囉。」

完成大作後,被問到想煮給誰吃,他笑說:「千辛萬苦咁煮完,梗係同表妹食啦!」更餵表妹食魚試味,大膽背女友「偷食」,全場大笑。

提到立立曾被薛家燕叫錯「黃腳鱲」,他不介意說:「其實都覺得幾好笑,中學花名都係叫黃腳鱲,幾親切。」對於屢被網民惡搞死訊,更被稱為「洪卓立之亂」,立立說:「幾有創意,呢啲惡搞要好幽默先諗到,開頭梗係唔太開心,生勾勾好人好姐,大吉利是咩,最大影響係阿媽,佢到o依家都接受唔到,覺得一定係個仔得罪人!」

無限復活的立立,09年患肺積水真的死過翻生,他說:「留院個幾月,嗰時係絕望,打定輸數唔會做番呢行,肺有事會唔會唱唔到歌?就算自己想繼續,公司未必會擺資源喺我度。當我鼓起勇氣出番嚟唱歌,就有人話我死咗,落井下石,嗰下真係好唔開心,係咪乞人憎到咁呢!」

今年是立立出道10周年,他說:「雖然冇具體見到成就,但揀多次都會入行,因為做到自己鍾意嘅嘢,肉麻啲識到而家女朋友,從來冇諗過做歌神,我係一條鹹魚,而家時勢唔係個個歌手都可以出碟,如果可以希望做到40歲。」

係咪睇到好肚餓呢,唔好錯過《我一個人煮》相關動新聞:
【我一個人煮(1)】大廚苛刻鬧到喊 人妻徐淑敏親授金箔燉梨伴呍呢拿雪糕
http://bit.ly/2uF9DMt
【我一個人煮(2)】女神示範性感包餃子 細細粒:我濕到爆呀﹗
http://bit.ly/2vF3flr

攝影:仇志德
場地:Kohler Kitchens
鳴謝:H&M Home

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載