› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月08日

【群星賀林建岳生日】楊千嬅為老闆獻唱 準備打golf嘅嘢做禮物

18,396
建立時間 (HKT): 0808 20:09

噚日係林建岳嘅60大壽,佢嘅屋企人一連二日喺中環好酒好蔡設宴款待親戚朋友為林建岳慶祝,噚晚主要係招待政商嘅朋友,前特首梁振英同太太梁唐青儀、唐英年、劉鑾雄同太太甘比等都有到賀,今晚就會邀請演藝界嘅朋友!(新聞連結:http://bit.ly/2ul9EW7)

今晚大約喺7點左右,除咗屋企人林恬兒、哥哥林建名同仔女林孝信、林煒珽、林建康伉儷外,其他仲有林小明與女伴、顏卓靈、鄧小巧同黎曉陽、日本組合EXILE主音ATSUSHI、余錦基、鄭伊健、林嘉欣、劉偉強、楊千嬅、王敏德伉儷同楊受成伉儷等等陸續到場。水原希子亦都有到,不過佢冇停低影相,急步入場!

見到千嬅一身golf look打扮,原來呢個係今晚嘅dress code,千嬅話全套衫都係借返嚟,不過佢知老闆鍾意打golf,所以都準備咗關於golf嘅嘢用嚟做禮物。唔知千嬅又鍾唔鍾意打golf呢?佢話:「我有試過,但係好大鑊,我之前試過打空氣,又試過連棍都打埋出去,我諗要等我成熟啲,或者冇耐性啲先再學!」雖然千嬅打golf冇乜天份,不過其他運動都可以應付,佢仲話今晚會唱歌,不過未知唱咩!

鄭伊健同林嘉欣一齊到,佢哋話夾份送咗份禮物俾林生,伊健話:「禮物由林嘉欣負責去買,始終女仔揀嘢叻啲!」蘇永康同埋囝囝一齊嚟,佢話林生一直都未見過阿仔,所以專登同埋佢一齊嚟,雖然阿仔得四個幾月大,不過真係好搶鏡,對住鏡頭一啲都唔怕,眼仔碌碌咁望住大家!

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載