› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【Fans嬲豬發炮】爆主辦單位拖欠600萬製作費 黎明廣州騷冇錢落袋

15,060
建立時間 (HKT): 0813 17:00

關公好忙!

仲記唔記得黎明(Leon)舊年4月假中環龍和道海濱活動空間舉行演唱會,但因主辦單位未能遵辦有關消防安全規定,食環署唔可以發出臨時公眾娛樂場所牌照,最後搞到演唱會取消,Leon更拍片道歉,但亦因此被讚佢成功化解公關災難,獲得一致好評。(新聞連結: http://bit.ly/2hU6h2p )

而Leon喺今年2月喺香港做完「企鵝」騷後,前晚同噚晚(8月11日及12日)喺廣州國際體育演藝中心,舉行「Leon RandomRun中國巡演之廣州站」,並為內地巡迴演唱會揭開序幕。雖然演唱會rundown比香港短咗少少,大約個半鐘就完騷,不過唔少明迷都喺網上留言表示滿足,仲讚Leon貼心,認為係因為Leon知道嗰一區嘅公車最夜11點就冇車,太夜散場就走唔到。

不過,Leon嘅貼心又點會只係幫歌迷諗有冇車俾佢哋離開?喺噚晚演唱會尾聲,Leon突然喺台上爆今次廣州演唱會「發生咗啲事」,又籲歌迷日後買飛要循正途,明顯有弦外之音!

Leon喺唱最尾一首歌《我的親愛》前同歌迷講咗一番話,佢話:「今次演唱會發生咗啲事,就交俾佢哋同公司處理啦!我剩係面對你哋㗎啫!仲有以後買飛唔好咁急,搵啲國家認可、合法嘅票務,例如大麥網,買完有任何問題,你哋啲錢都有保障,總之唔好咁急啦!」全場樂迷聽罷即歡呼尖叫,但,此話何解呢?

據知,Leon口中嘅事,係演唱會主辦單位未有履行合約「找數」,拖欠演唱會製作費,同時有人用鎖死門票方式,再以高價賣票嘅招數放飛,令歌迷變相要以高價買門票,令Leon十分心痛,所以喺台上呼籲歌迷要循正途購票。

有疑似知情網友不忿Leon受騙,今晚喺微博發文,爆Leon被拖高達600萬製作費!

其實根據合約,Leon絕對有權拒絕上台並宣佈取消演唱會,但據知,Leon知道有部份觀眾專程由其他地方飛往去廣州,又有歌迷買咗黃牛票,為免歌迷失望及其他預計唔到嘅損失,堅持如期開騷,且出盡力完成兩場演唱會,化解一場公關災難。Leon咁為歌迷,難怪班fans錫到佢燶!

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載