› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【專業女性選舉】淘汰過程最痛苦 鄭文雅:仲難選過港姐

17,761
建立時間 (HKT): 0813 10:17
攝影:黃曉妍

鄭文雅、何倍倩、陳祉妤、趙式慶、林煒琦等,噚晚喺銅鑼灣出席「第七屆全港時尚專業女性選舉2017頒獎禮晚宴」,擔任評審嘅鄭文雅話:「第二次做,喺得獎者身上都學到好多嘢,因為個個都咁出色,所以喺淘汰過程都比較痛苦,仲難選過港姐,作為評審準則,最重要除咗有自己嘅專業之外,仲要將啲時間投放社會幫到人,咁樣我會畀高分啲,用自己才能回饋社會係最重要。」

鄭文雅愛好攝影,成日周圍去影相,之前都去咗九寨溝兩次,分別係秋天同冬天,佢話:「冬天嗰次比較深刻,諾日朗瀑布好似仙境,今次地震好可惜,因為係全世界公認一個靚地方,四時嘅變化亦好大,作為鍾意影相嘅人,都會覺得呢啲靚景,唔係成日會喺度,有機會消失,所以想去做嘅嘢就一定要去做,今次地震消息我都好震驚。」佢仲話好想再去黃山影相:「百去不厭,呢個地方我之前都去過,每次去嘅景都唔一樣,有時影相個景靚唔靚,都唔係自己能力範控制之內,所以每樣嘢都唔可以強求。」

至於同場嘅陳祉妤(原名陳沛嘉)就嚟捧朋友場,佢話:「其中一個得獎者係我朋友,我都好開心。」講到佢之前讀酒店管理課程,陳祉妤話:「想搵發展空間,如果開PR公司,又好似唔太適合,因為同從商嘅朋友傾過,O依家好請人,舖租又貴,所以冇呢個打算。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載