› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【靠口碑新片發圍】安索艾果特殺到亞洲 巡迴中日韓谷《Baby Driver》

5,939
建立時間 (HKT): 0813 13:15
安索艾果特主演新片《Baby Driver》要到下月在港上映。

由催淚愛情電影《生命中的美好缺憾》男星安索艾果特(Ansel Elgort)擔正新片《Baby Driver》近期贏得極佳口碑,唔止喺權威影評網站Rotten Tomatoes嘅爛番茄指數罕見地開出95%完美佳績,IMDb都以8.2分緊次於得分8.5嘅《鄧寇克大行動》。

《Baby Driver》由執導《笑死人兇間》嘅《蟻俠》英國鬼才編劇艾加韋特(Edgar Wright)自編自導,除飾演主角Baby嘅安索之外,仲有莉莉詹絲(Lily James)、奇雲史帕西(Kevin Spacey)、占美霍士(Jamie Foxx) 、Jon Hamm同埋墨西哥索女演員Eiza Gonzalez合演,香港定9月14日上映,香港片名仲似足那些年啲卡通片咁叫《寶貝神車手》。

呢套電影全球口碑激讚,故事講Baby因為兒時車禍意外,幾乎隨時要用iPod聽音樂,以蓋住耳朵嘅雜音,而佢聽歌可以揸出一手神乎奇技飆車技術,片中亦配上鮮明視覺與刺激精彩嘅飛車動作場面,加上巧妙運用強烈音樂節奏,打造既復古又有型嘅電影風格。

《Baby Driver》繼喺台灣上映獲得好評後,安索同導演都已展開亞洲宣傳之行,當上月去完吉隆坡,佢已定今個起到中國、日本及韓國造勢,星期三佢哋會喺北京舉行首映,到星期六就出席東京首映禮,係安索於2015年以DJ身份參與EDM音樂會「ULTRA JAPAN」後相隔兩年再見日本fans。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載