› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【舞技生硬】「港產AV女優」麥紫莉密實出騷﹕唔想私人部位曝光

22,463
建立時間 (HKT): 0813 15:03

麥紫莉(Chili)噚晚喺尖沙嘴一間樓上酒吧登台唱歌,着住黑色背心襯黑色短裙,不過件衫太密實,毫無睇頭。現場酒客亦唔算多,Chili唱歌時,表現好緊張,跳舞亦唔合格,不過就冇走音,酒客唔多理佢,自顧猜枚飲酒。而Chili做訪問時一臉冏樣唔識笑,佢解釋話因為太緊張:「為呢次表演練咗兩日,揀咗徐子珊嘅《hit me》,我鍾意唱歌,唱得都ok嘅!」

一出道就被批評太肥嘅Chili,o依家正努力減肥,佢話已經減咗5kg,主要靠跑步同做瑜伽。至於去日本拍AV進度點,因為一直得個講字,Chili話:「我都係等公司同我講,公司未同我講幾時,話到時會畀個日期我,但仲未有。」講到拍AV前要做身體檢查,Chili就話未做,因為未知日子,佢強調已經不停追公司,只係公司一直冇回覆。問到如果拍唔成,驚唔驚俾人人話得把口?hili話:「我都講到出口,梗係希望完成呢件事,我都唔想俾人覺得博上位,我係想做。」

雖然AV仲未知幾時拍,抑或係咪拍得成,不過Chili已經成功咗一半,接騷收5位數字酬勞,而且都真係有啲騷接吓。不過收得人5位數,一啲都唔性感喎?佢話:「因為要跳舞,唔想走光,雖然可能會覺得我唔係咁好,啲人或者會認為我都拍AV冇所謂,但我唔想喺做呢件事之前,有私人部位曝光。」係咪等到拍AV至大解放?佢笑話:「係啦!係啦!底線都可以試吓bra top嘅,不過如果有快歌跳舞就唔會。」去酒吧唱慢歌唔奇怪咩?點知佢話:「係呀,今日都會唱慢歌。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載