› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【韓流】梁東根落淚提愛女窒息事故 Wanna One騷肌孖大發BB玩水

23,825
建立時間 (HKT): 0813 19:00

去年曾帶住愛女喬伊演出韓國人氣育兒節目《超人回來了》嘅38歲歌手梁東根,去年尾透過節目宣佈太太懷第三胎,即將榮升幸福一家五口。不過日前梁東根演出另一節目《叢林的法則》時,提到愛女時突然流下男兒淚,即時嚇親在場嘅演出者,梁東根更自爆喬伊曾患病,令觀眾都相當擔心。

梁東根於《叢林的法則》時喊住表示:「今年4月我本來要拍攝《叢林的法則》紐西蘭北島篇,原定4月5號出發,但喺出發前幾日囡囡喬伊突然出事,當時喬伊窒息,我抱住佢時佢已經停止呼吸。」事件似乎令梁東根感到相當大壓力,佢又指當時太太已經崩潰,喊得好厲害:「雖然我都好想喊,但係唔可能喊,呢件事令我懷疑自己『囡囡發生咁大件事,點解作為父親嘅我會唔喊呢?』」大感自責。

雖然梁東根冇透露喬伊點解會突然出事,不過好彩囡囡已經冇事,梁東根噚日仲透過Instagram上載與愛女嘅合照,獲唔少粉絲留言打氣,表示希望永遠見到喬伊嘅開心笑容。

另外,國腳李同國帶住仔女演出《超人回來了》後人氣急升,連帶小朋友都成為廣告新寵兒,李同國老婆今日就透過IG公開大發BB同家姐嘅廣告新相,大發BB更托腮扮花,相當得意。

同時今日播出嘅《超人回來了》中,憑選秀節目出道《PRODUCE 101》嘅人氣男團Wanna One嘅姜丹尼爾、朴志訓、尹智聖、邕聖祐繼續做湊仔公,帶埋大發BB、雪雅、秀雅去玩水,當中身材最好嘅姜丹尼爾更騷肌示人,真係引死粉絲!

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載