› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【珍惜眼前人】明年成軍10周年 RubberBand望搞大型音樂會

5,976
建立時間 (HKT): 0813 15:26
攝影:馬建華

RubberBand噚晚喺西九文化區為「本地薑週未2017」擔任表演嘉賓,唱出多首名曲,喺唱《天台飛人》前,佢哋話:「一直幫我哋製作演唱會嘅一個工作人員,中風到o依家都仲係不醒人事,希望將呢首歌送畀佢,同佢打氣。」佢哋又叫現場觀眾集合正能量祝福對方,現場嘅觀眾即刻大嗌「一定好番。」令RubberBand好感觸,佢哋唱完歌之後,台下嘅工作人員準備結束活動,但RubberBand意猶未盡,主動要encore,唱多半個鐘至肯離台。

完場之後,RubberBand接受訪問,佢哋話:「現場氣氛好好,所以我哋唔理繼續唱落去,今年同舊年一樣咁熱,上年熱到除衫,不過劣評如潮,所以今年唔再除衫。」講到為中風嘅朋友打氣,RubberBand話:「佢由我哋第一個演唱會已經合作,呢件事令我哋感受到人生無常,希望用歌曲畀到正能量對方。」會唔會因為呢件事,影響到更加珍惜眼前一分一秒?阿正即望住泥鯭帶笑話:「我o依家識得珍惜佢。」泥鯭笑住應:「好感動。」其他隊友接住笑話:「第10年,終於識得珍惜對方。」

下年係RubberBand成軍10周年,佢哋希望到時喺舞台再見大家:「呢個係我哋嘅心願,其實夾band相識超過10年,不過簽經理人出第一張碟就係08年。」泥鯭話:「呢10年大家有好多轉變,好多經歷,係一個值得紀念嘅時刻,希望下年有機會,今年頭搞演唱會反應好好,希望再搞過更大型嘅音樂會。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載