› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【原來可以好gay】《出貓特攻隊》小鮮肉大起底 21歲查朗封同志男神

15,295
最後更新: 0813 18:38 / 建立時間 (HKT): 0813 17:15

泰國賣座電影《出貓特攻隊》(Bad Genius)衝出家鄉,今個暑假在亞洲各地越戰越勇,先靠口碑在台灣及印尼取得理想佳績,本周四將輪到香港正式開畫,至今上映嘅優先場幾乎場場爆滿,截至今日下午4時,《出貓特攻隊》在港優先場票房暫時已達57萬港元,開畫後肯定再下一城,大有機會成為暑期票房黑馬。

《出貓特攻隊》四位主角同屬當地上位偶像,飾演天才「超蓮」嘅女主角茱蒂蒙翠莎容素欣(Chutimon Chuengcharoensukying)係Model出生,而大眼靚女依莎亞賀素雲(Eisaya Hosuwan)就扮演其好友「明詩」,不過兩位小鮮肉「賓爺」查朗桑提納托古(Chanon Santinatornkul)及「柏豪」提拉東蘇帕龐皮尤(Teeradon Supapunpinyo/James)就更受亞洲觀眾歡迎,今年夏天火速吸納亞洲各地粉絲支持。

年僅21歲嘅查朗靠靚仔外型及討好形象爆紅台灣,佢將與拍檔James及Chutimon本周六殺到香港,之後再與導演接力到台灣謝票見影迷。查朗被封「泰版朴寶劍」,同時又被指係王大陸與趙又廷嘅混合體,佢早於2014年演出同志電影《愛情來了Love's Coming》入行,及後參演同作續集《Love Love You》,直至喺2015年偶像劇《荷爾蒙》嘅第三季中,查朗開始嶄露頭角,仲同《出貓》嘅「柏豪」James初結片緣。查朗成為當地同志男神,事關佢上年在劇集《九巷一弄》中再演同志情,加上《出貓》又成為本年度最賣座泰片,令查朗貴為炙手可熱嘅人氣偶像,連早前接拍嘅「CP雞肉熱狗」廣告,查朗都大玩「基」情,懶理心儀佢嘅女同學,公然上演男男餵腸及圖書館深情對望等情節。

查朗目前在International College Mahidol University修讀電影製作,家中有一姊一妹,佢排行第二,由於中學時又奀又瘦,所以父親安排佢一星期去健身室六日,每天練約兩小時,成功鍛鍊出精壯身形,查朗日前接受《蘋果》獨家專訪(新聞連結 http://bit.ly/2w0ylHM),更透露好欣賞甄子丹,佢話有睇過《葉問》,仲識少少功夫o添!

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載