› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月13日

【好勤力】否認計過數辭演《果欄》 劉佩玥:有得畀我計情願唔瞓覺兩套劇都拍

14,772
建立時間 (HKT): 0813 17:24

劉佩玥今日到旺角行人專用區進行快閃活動,宣傳護膚品牌,現場吸引唔少粉絲。早前好友陳瀅、陳嘉寶齊齊出海遊船河曬身材,唔見Moon蹤影,佢話:「佢哋個次佢哋幾個相熟朋友去玩,自己都好想去玩,但太忙,會保持身材去Anjaylia婚禮,至於做姊妹方面雖然暫時未收通知,但自己太忙應該都做唔到。」

劉佩玥辭演《果欄中的江湖大嫂》,佢嘅角色監製梁材遠臨時搵馮盈盈頂上,Moon接咗另一套劇集《跳躍生命線》,有指呢個行為係佢計過數,覺得做女二比較化算所以辭演。Moon話:「梗係唔係,我數學唔叻,冇計數呢回事,當日係有份拍節目巡禮條片,公司衡量過兩套劇時間同檔期,所以安排我拍《跳躍生命線》,線絕對冇計數呢回事,我都好被動,好乖好聽話,公司要我做乜就做乜,如果真係有得畀我計,我情願自己唔瞓覺兩套劇都拍,但今次時間係重疊咗,所以公司同劇組有呢個安排。」Moon亦唔擔心監製會嬲佢,仲話:「監製一向都好錫我,好體諒我,我亦希望會有合作機會,依家會盡力演好《跳躍生命線》,心如止水,唔會俾其他事影響。」

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup
© 2017 AD Internet Limited. All rights reserved. 版權所有 不得轉載