› 選擇地區
三藩市
紐約
洛杉磯
其他美國地區
蘋果基金 Next Digital
香港  台灣 
2017年08月14日

【獨家】71歲鄭經翰計劃明年「封咪」退休 陪索老婆shopping呆等無投訴

155,839
建立時間 (HKT): 0814 00:01

71歲嘅「鄭大班」鄭經翰向來敢言,有前瞻性,早年在商台主持烽煙節目《風波裡的茶杯》,就有「十點前特首」之稱。

當年鄭經翰反對領匯上市,被指阻人發達,有報稱五萬人上街聲討反對領匯上市嘅「幕後黑手」大遊行,最終領匯成功上市。相反,今時今日,反對領匯嘅聲音越來越多……

03年沙士襲港,醫管局嘅醫護人員經常致電節目,投訴當局抗炎行動遲緩,鄭經翰發起「一人一口罩」、「一人一個橙」等行動,並成功籌募等值約一億港元嘅物資同服務。

98年鄭經翰全力支持政府入市打大鱷,疑觸動利益者,上班途中被兇徒襲擊,身中八刀,手筋被砍斷,其中雙手同盆骨被斬斷,生命一度垂危。當年警方及電台分別懸紅100萬元及300萬元緝兇,結果還是一宗懸案,令鄭經翰感嘆生命脆弱,而且覺得香港言論自由嘅基礎好脆弱。

經歷好朋友曾蔭權入獄,令鄭大班睇得好化,早前接受網上傳媒訪問時稱明年會退休,連自己創辨嘅D100都唔會再開咪,佢話﹕「打算乜都唔做去嘆世界,我71歲啦。」早前記者喺銅鑼灣利園商場遇上鄭大班,佢陪索老婆、81年港姐冠軍勞錦嫦行街shopping。

當日晚上7點半,勞錦嫦入咗一間時裝店,而鄭大班就一直企喺店外等候,大班都好有耐性,一直玩手機,完全冇催過太太,等咗大約15分鐘,佢哋先一齊離開去攞車。鄭大班曾經受過重傷,行路時,左邊腳明顯有少少唔自然,但西裝骨骨嘅大班仍然好有風度,每次開門都會行快一步幫太太推門,足見佢真係好錫老婆。如果大班明年真係退下火線,相信會有更多時間陪太太及同三個仔。

關心你飯碗 貼近你生活 即Like「蘋果ATM」FB專頁!
返回最頂
香港 台灣 用戶登入 新登記 私隱聲明 服務條款 刊登廣告 聯絡我們 招聘 訂閱版: 壹週刊|    飲食男女|    Ketchup
© 2017 AD Internet Limited. All rights reserved. 版權所有 不得轉載